پاکستان اور نیوزی لینڈ کے درمیان کھیلے جانے والی پانچ میچوں کی ٹی ٹوئنٹی سیریز کا آج آخری میچ ہے جو رات 9 بجے راولپنڈی کرکٹ اسٹیڈیم میں کھیلا جائے گا۔
پانچ میچوں کی سیریز میں پاکستان نے دو میچ جیت رکھے ہیں جبکہ نیوزی ایک میچ میں فاتح ہے اور ایک میچ بارش کی نذر ہو گیا تھا۔
احسان اللہ کو نیوزی لینڈ کیخلاف موقع نہ دینے پر محمد عامر ٹیم مینجمنٹ پر برس پڑے
اس طرح اگر یہ میچ پاکستان جیت جاتا ہے تو سیریز پاکستان کے نام رہے گی اگر نیوزی لینڈ اس میچ میں فتح حاصل کرتا ہے تو سیریز برابری پر ختم ہو جائے گی۔
میچ کی تمام آن لائن ٹکٹیں فروخت ہو چکی ہیں، واضح رہے کہ آج کے میچ کی گیٹ منی ترکیہ زلزلہ متاثرین کو دینے کا فیصلہ کیاگیا ہے۔
