قومی ٹیم کے فاسٹ باولر محمد عامر نیوزی لینڈ کے خلاف احسان اللہ کو موقع نہ دینے پر ٹیم مینجمنٹ پر برس پڑے۔
اس حوالے سے گفتگو کرتے ہوئے محمد عامر نے کہا کہ میں احسان اللہ کو نیوزی لینڈ کیخلاف سیریز میں باولنگ کرتا دیکھنے کا منتظر تھا مگر ان کو بینچ پر بٹھائے رکھا گیا۔
انہوں نے کہا کہ وہ پی ایس ایل 8اور افغانستان کیخلاف میچز میں سب سے اچھا پرفارم کرنے والے باولر تھے۔
ان کا کہنا تھا کہ کرکٹ شائقین میں سے ہر کوئی ان کی تیز اور خطرناک باولنگ سمیت جشن منانے کے انداز سے لطف اندوز ہوا، ہمیں احسان اللہ کا اعتماد تباہ کرنے کے بجائے صلاحیتوں کو نکھارنے کی مواقع فراہم کرنا چاہیے۔
