کراچی: سابق وزیر خزانہ مفتاح اسماعیل نے کہا ہے کہ آج رات کو کم از کم 20 لاکھ بچے پاکستان میں بھوکے سو رہے ہیں۔
سابق وزیر خزانہ مفتاح اسماعیل نے تقریب سے خطاب کرتے ہوئے کہا کہ کیا تبدیلی پورے ملک کے لیے ہو گی یا صرف ٹاپ کلاس کے لیے ہو گی ؟ ہم کمزور طبقے کے لیے بھی سوچیں اور جو بچہ اسکول نہیں جا رہا اسے اسکول بھیجیں۔
انہوں نے کہا کہ پاکستان میں 4 میں سے 3 بچے 2 جملے بھی نہیں پڑھ سکتے جبکہ 2 صوبوں میں ایجوکیشن صرف بھرتیوں تک ہی محددو ہے۔ بہتری کے لیے آپ کو کمپیٹیشن متعارف کرانے کی ضرورت ہے۔
یہ بھی پڑھیں: نیب اس ملک کا کرپٹ ترین ادارہ ہے ،شاہد خاقان عباسی
مفتاح اسماعیل نے کہا کہ اجارہ داری ختم کر کے پاور کو نچلی سطح پر منتقل کر دیا جائے اور جب تک ٹیکس اور جی ڈی پی کی شرح نہیں بڑھے گی ہم آگے نہیں بڑھ سکتے۔ اس وقت صرف وفاق ٹیکس جمع کرتا ہے لیکن اگر صوبائی حکومتیں اپنا ٹیکس جمع کریں گی تو اس سے بھی فرق پڑے گا۔
انہوں ںے کہا کہ آج رات کو کم از کم 20 لاکھ بچے پاکستان میں بھوکے سو رہے ہیں اور یہ پاکستان کی حقیقت ہے اپ اسے کیسے تبدیل کریں گے۔
