مصنوعی ذہانت کا استعمال کرتے ہوئے ایک نوجوان آرٹسٹ نے دنیا کے امیر ترین لوگوں کو غریب بنا کر دکھایا جسے سوشل میڈیا صارفین کی طرف سے کافی پذیرائی ملی۔
بھارت سے تعلق رکھنے والے گوکل پیلے نامی آرٹسٹ کی سماجی رابطے کی ویب سائٹ انسٹاگرام پر دنیا کے امیر ترین لوگوں کی آرٹیفشل انٹیلی جنس کی مدد سے بنائی گئی تصویروں نے سب کو حیران کردیا۔
آرٹسٹ کی جانب سے سابق امریکی صدر ڈونلڈ ٹرمپ، ٹوئٹر کے مالک ایلون مسک، امریکی بزنس مین بِل گیٹس، بھارتی بزنس مین مکیش امبانی اور فیس بک کے مالک مارک زکربرگ کی تصاویر شیئر کی گئیں۔
View this post on Instagram
انسٹاگرام صارفین کی طرف سے تصاویر کے نیچے دلچسپ کمنٹ کیے گئے۔ ایک صارف نے لکھا کہ ایلون مسک غریبی میں بھی ہینڈسم دکھ رہا ہے۔ ایک صارف نے آرٹسٹ کی اس کاوش کو سراہتے ہوئے لکھا کہ اگر میں غلط نہیں ہوں تو یہ تمام لوگ کروڑ پتی ہیں۔
ایلون مسک ملازمین سے گھروں کا کرایہ لیں گے
خیال رہے کہ مصنوعی ذہانت کو لے کر ایلون مسک اور بِل گیٹس مختلف رائے رکھتے ہیں۔ ایلون مسک کی جانب سے حال ہی میں مصنوعی ذہانت کی ٹیکنالوجی پر کام کرنے والے 1 ہزار ملازمین کو کام کرنے سے روک دیا تھا۔ دوسری طرف بل گیٹس نے اختلاف کرتے ہوئے کہا تھا کہ سمجھ نہیں آتا کہ یہ کون لوگ ہیں جو چاہتے ہیں کہ مصنوعی ذہانت کو روک دیا جائے۔
