لکی مروت: پولیس نے انتہائی بہادری اور جرات کا مظاہرہ کرتے ہوئے چوکی پر دہشت گردوں کا حملہ ناکام بنا دیا ہے، دہشت گردوں نے حملہ لکی مروت میں بخمل احمد زئی چوکی پر کیا تھا۔
پشاور پولیس لائنز دھماکے کا حملہ آورمجرمانہ ریکارڈ یافتہ نکلا
اس ضمن میں پولیس ترجمان نے بتایا ہے کہ پولیس اور دہشت گردوں کے درمیان شدید فائرنگ کا تبادلہ ہوا جس کے بعد دہشت گردوں کو پسپائی اختیار کرنا پڑی۔
ترجمان کے مطابق دہشت گردوں کی جانب سے پولیس چوکی پر حملے اور فائرنگ کے تبادلے کی آوازیں سن کر اہل علاقہ بھی بڑی تعداد میں پولیس کی مدد کیلئے باہر نکل آئے جب کہ اسی اثنا میں ڈی پی او ضیا الدین کی قیادت میں بھی پولیس کی بھاری نفری جائے وقوع پر پہنچ گئی۔
لکی مروت میں کامیاب آپریشن، 12 دہشتگرد مارے گئے
پولیس ترجمان کے مطابق دہشت گردوں کی تلاش کے لیے علاقے میں سرچ آپریشن جاری ہے۔
