انگلش کرکٹ ٹیم کے کھلاڑیوں اور اسٹاف ممبران کے بعد ہیڈکوچ بھی وائرس کا شکار ہو گئے۔
بین الاقوامی میڈیا کے مطابق انگلش کرکٹ ٹیم کےہیڈکوچ کرس سلورووڈ کا کورونا ٹیسٹ مثبت آ گیا۔ وہ فیملی ممبر میں کورونا کی تشخیص ہونے کے باعث پہلے سے ہی قرنطینہ میں تھے۔
ان کی غیرموجودگی میں اسسٹنٹ کوچ گراہم تھروپ ذمہ داریاں نبھائیں گے۔ایشز سیریز کا چوتھا ٹیسٹ 5جنوری سےسڈنی میں کھیلاجائےگا۔ 5 میچوں کی آسٹریلیا 0-3 کی حتمی برتری حا صل کر چکا ہے۔
یہ بھی پڑھیں: عالمی شہرت یافتہ فٹبالر لیونل میسی میں کورونا وائرس کی تصدیق
واضح رہے کہ میلبورن میں آسٹریلیا کے خلاف تیسرے ٹیسٹ کے دوران انگلینڈ کے کوچنگ اسٹاف کے دو ممبرز کا کورونا ٹیسٹ مثبت آیا تھا۔کوچنگ اسٹاف کے دو فیملی ممبرز کے بھی کورونا ٹیسٹ مثبت آئے ۔
کمنٹیٹرز رکی پونٹنگ اور این بوتھم بھی کورونا کی تشخیص کے بعد قرنطینہ میں چلے گئے ہیں۔ انگلینڈ کے تمام کھلاڑیوں کو ریپڈ ٹیسٹ کے بعد کھیلنے کی اجازت ملی تھی۔
