بھارتی فلم اسٹار اکشے کمار کی والدہ ارونا بھاٹیا کا آج ہیرانندانی اسپتال میں انتقال ہو گیا ہے۔
بھارتی میڈیا رپوٹ کے مطابق اکشے کمار کی والدہ ارونا بھاٹیا ممبئی کے ہیرانندانی اسپتال میں گزشتہ 2 روز سے زیرعلاج تھیں۔
اکشے کمار نے اپنی والدہ کے انتقال کی تصدیق سوشل میڈیا سائٹس ٹوئٹر اور انسٹاگرام پوسٹس کے ذریعے کی۔
یہ بھی پڑھیں: کورونا میں مبتلا اکشے کمار اسپتال منتقل
جس میں انہوں نے لکھا کہ میری ماں میرے لیے سب کچھ تھیں، میں آج ایسا ناقابل درد محسوس کر رہا ہوں جو میرے لیے پرداشت کرنا مشکل ہے۔ میری ماں ارونا بھاٹیہ آج اس دنیا سے رخصت ہو گئی ہیں۔
https://www.instagram.com/p/CTi9v8ToZ-d/?utm_source=ig_web_copy_link
خیال رہے کہ بھارتی فلم اسٹار اکشے کمار نے گزشتہ روز اپنی والدہ کی طبیعت ناساز ہونے کے بعد ٹویٹر پر اپنے مداحوں سے ان کی صحتیابی کے لیے دعا کرنے کی اپیل کی تھی۔
Touched beyond words at your concern for my mom’s health. This is a very tough hour for me and my family. Every single prayer of yours would greatly help. ??
— Akshay Kumar (@akshaykumar) September 7, 2021
اکشے کمار نے ٹویٹ میں لکھا تھا کہ یہ وقت میرا اور میرے خاندان والوں کے لیے بہت مشکل ہے اور والدہ کی جلد صحتیابی کے لیے دعا کی اپیل کرتا ہوں۔
اداکار اکشے کمار اپنی نئی فلم ’’سنڈریلا‘‘ کی شوٹنگ کے لیے لندن گئے ہوئے تھے تاہم والدہ کی ناساز طبیعت کی خبر سن کے گزشتہ روز ہی بھارت واپس پہنچے تھے۔
