اسلام آباد: وفاقی وزیر اطلاعات و نشریات شبلی فراز نے کہا ہے کہ پاکستان کی تعمیر و ترقی میں خواتین نے روشن کردار ادا کیا۔
وفاقی وزیر اطلاعات و نشریات شبلی فراز نے سماجی رابطے کی ویب سائٹ ٹوئٹر پر لکھا کہ معاشرے کو مہذب بنانے کے لیے خواتین کو بااختیار بنانا لازم ہے جبکہ خواتین کو معاشرے میں طاقتور اور محفوظ بنانا ہمارا پختہ عزم ہے۔
معاشرے کو مہذب اور روشن خیال بنانے کےلئےخواتین کو بااختیار بنانا لازم ہے۔خواتین کو ترقی کے مساوی مواقع اور حقوق کی یقینی فراہمی سے معاشرے میں طاقتور اور محفوظ بنانا ہمارا پختہ عزم ہے۔ انفورسمنٹ آف ویمن پراپرٹی رائٹس خواتین کے وراثتی حقوق کو یقینی بنانے میں ممد و معاون ثابت ہوگا۔
— Senator Shibli Faraz (@shiblifaraz) March 8, 2021
شبلی فراز نے کہا کہ آج کا دن خواتین کے بلند مقام اور ان کی قابل ستائش خدمات کی اہمیت کو اجاگر کرتا ہے اور دین اسلام نے خواتین کو بے مثال حقوق دیے ہیں۔
انہوں نے کہا کہ آئین پاکستان خواتین کے حقوق کا ضامن ہے اور پاکستان کی تعمیر و ترقی میں خواتین نے روشن کردار ادا کیا ہے۔
آج کا دن معاشرے میں خواتین کے بلند مقام اور مختلف شعبہ جات میں ان کی قابل ستائش خدمات کی اہمیت کو اجاگر کرتا ہے۔دین اسلام نے خواتین کو بے مثال حقوق دیئے ہیں۔ آئین پاکستان خواتین کے حقوق کا ضامن ہے۔پاکستان کی تعمیر و ترقی میں خواتین نے روشن کردار ادا کیا ہے۔
— Senator Shibli Faraz (@shiblifaraz) March 8, 2021
وفاقی وزیر سائنس و ٹیکنالوجی فواد چوہدری نے کہا کہ خواتین سائنس کے شعبے سے وابستہ ہو کر اپنی منزل کا تعین کریں اور خواتین بہترین منزل کا تعین کر کے قوم کو کامیابی سے ہمکنار کریں۔ دنیابھر کی خواتین کو ان کی خدمات پر خراج تحسین پیش کرتا ہوں۔
On this #womensday2021 I want to urge all the girls there go for Science subjects change your destiny and change this Nations destiny, stay blessed …. more power to you
— Ch Fawad Hussain (@fawadchaudhry) March 8, 2021
سینیٹر فیصل جاوید نے کہا کہ وزیر اعظم سے بڑھ کر کون خواتین کو خراج عقیدت پیش کرسکتا ہے۔ وزیر اعظم نے اپنی والدہ کو سرطان سے نبرد آزما دیکھا اور اسپتال قائم کر دیا۔
یہ بھی پڑھیں: آرمی چیف کا خواتین کے عالمی دن کے موقع پر پیغام
انہوں نے کہا کہ شہدا اور سپاہیوں کی عظیم المرتب ماؤں کو بھی سلام پیش کرتے ہیں۔ بہادر ماؤں کے سپوت اپنی جانوں کا نذرانہ پیش کر کے وطن کا دفاع ناقابلِ تسخیر بناتے ہیں۔ ماؤں کے ان بہادر سپوتوں کے فیض ہی پاکستانی آرام و تحفظ کی نیند سوتے ہیں۔
