نیویارک: ہیومن رائٹس واچ نے بھی بھارت سے مظالم بند کرنے کا مطالبہ کر دیا۔
سماجی رابطے کی ویب سائٹ ٹوئٹر پر اپنے ٹوئٹ میں انسانی حقوق کی تنظیم کا کہنا تھا کہ بھارت سیاسی عزائم کے لیے کارکنوں کو جیل میں رکھنا بند کرے اور ان لوگوں کو فوری رہا کیا جائے جن پر جھوٹے مقدمے عائد کیے گئے ہیں۔
“Indian authorities should be releasing activists and others already jailed or facing criminal charges in politically motivated cases, not adding to that list” ~ @mg2411 https://t.co/OyiTBUjNz2 #FarmersProtest https://t.co/4hRqEISrML
— Human Rights Watch (@hrw) February 2, 2021
اس سے قبل ہیومن رائٹس واچ نے مقبوضہ کشمیر کی صورتحال پر بھی تشویش کا اظہار کرتے ہوئے مطالبہ کیا تھا کہ بھارتی حکومت مقبوضہ کشمیر میں پابندیاں ہٹانے کے لیے فوری اقدامات کرے۔
ہیومن راٹس کا کہنا تھا کہ مقبوضہ جموں و کشمیر میں استحصال جاری ہے اور ایک سال بعد بھی مقبوضہ کشمیر میں بھارتی پابندیاں برقرار ہیں۔
ہیومن رائٹس واچ کا کہنا تھا کہ بھارت نے کشمیریوں کو آزادی، تعلیم اور صحت جیسی سہولتوں سے محروم رکھا ہوا ہے۔ انتظامیہ نے 5 اگست کو احتجاج روکنے کے لیے پابندیاں سخت کیں جبکہ عالمی وبا میں بھی کشمیریوں کو صحت کی بہتر سہولت اور انٹرنیٹ تک رسائی نہیں دی گئی۔