راولپنڈی: آرمی چیف جنرل قمر جاوید باجوہ نے کور ہیڈکوارٹرز راولپنڈی کا دورہ کیا ہے جہاں انہیں لائن آف کنٹرول (ایل او سی) کی موجودہ صورتحال پر بریفنگ دی گئی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف کو فارمیشنز کی تیاریوں سے بھی آگاہ کیا گیا ہے۔
آئی ایس پی آر کے مطابق آرمی چیف نے بھارتی افواج کا نشانہ بننے والے کشمیری عوام کے جذبے کو سراہتے ہوئے کہا کہ پاک فوج کنٹرول لائن پر رہنے والوں کی سیکیورٹی یقینی بنائے گی۔
آرمی چیف جنرل قمر جاوید باجوہ کا گوجرانوالہ اور مرالہ کا دورہ
انہوں نے کہا کہ بھارتی فوج ایل اوسی پر آبادی کو جان بوجھ کر نشانہ بنا رہی ہے۔
آئی ایس پی آر کے مطابق آرمی چیف کو راولپنڈی چھاؤنی کے ترقیاتی کاموں سے آگاہ کیا گیا۔ آرمی چیف نے ترقیاتی کاموں پر پیشرفت اور سول انتظامیہ کی کارکردگی کو سراہا۔
