سکھر: قومی احتساب بیورو (نیب) نے آمدن سے زائد اثاثہ جات کیس میں پاکستان پیپلز پارٹی کے سینئر رہنما خورشید شاہ کی بیگم، دونوں بیٹے، بیٹی اور داماد و صوبائی وزیر اویس قادرشاہ کو 5 مئی کو طلب کرلیا ہے۔
نیب نےتمام افراد کو 5 مئی کو طلبی کا باقاعدہ نوٹس جاری کردیا ہے۔
نیب ذرائع کے مطابق تمام افراد کو بینک ٹرانزیکشن سے متعلق معلومات کیلئے طلب کیا گیا ہے۔
مزید پڑھیں: عدالت خورشید شاہ، دیگر ملزمان کی درخواست ضمانت پر 22 اپریل کو فیصلہ سنائے گی
نیب نے خورشید شاہ اور ان کے اہلخانہ سمیت 18 افراد پر 1 ارب 23 کروڑ روپے سے زائد کا ریفرنس دائرکیا ہے۔
خیال رہے کہ خورشید شاہ نے ضمانت میں توسیع کے لیے سندھ ہائی کورٹ سکھربینچ میں درخواست دائرکررکھی ہے۔