اسلام آباد: سابق وزیرخزنہ اسد عمر کے استعفے کے بعد ان کے حامیوں اور مخالفین میں سوشل میڈیا پر شروع ہونے والی تکرار نے ایک نیا موڑ لے لیا ہے۔
اسدعمر کے استعفے کے بعد پاکستان تحریک انصاف کے متحرک کارکن فرحان ورک نے سماجی رابطوں کی ویب سائٹ پر پوسٹ کی گئی ایک ویڈیو میں الزام لگایا تھا کہ سابق وزیرخزانہ اسد عمرنے وزیراعظم عمران خان کے خلاف سازشیں شروع کردی ہیں اور ایم این ایز ، ایم پی ایز سے رابطے شروع کر دیے ہیں اور پی ٹی آئی میں اجارہ داری قائم کرنا چاہتے ہیں۔
اسد عمر کو میرا پیغام
تمھاری نئی سازش کا مجھے علم ہو گیا ہے. pic.twitter.com/FZml9MnEZA
— Dr Farhan K Virk (@FarhanKVirk) April 20, 2019
سوشل میڈیا پر لوگ کہہ رہے تھے کہ فرحان جہانگیر ترین کی ایما پر اسد کے خلاف کمپئین چلا رہا ہے تاہم جہانگیر ترین نے اس کی تردید کر دی ہے۔
I vehemently condemn Farhan Virk's campaign against Asad Umar. Asad & I have struggled together against the status-quo for more than 8 years & I hold him in the highest regard. Asad continues to be part and parcel of PTI senior leadership and we all value his role.
— Jahangir Khan Tareen (@JahangirKTareen) April 21, 2019
انہوں نے ایک ٹویٹ میں کہا ہے کہ میں اسدعمر کے خلاف فرحان ورک کی کمپین کی سخت مذمت کرتا ہوں۔ سابق وزیرخزانہ کے ساتھ مل کر میں نے 8 سال سے زائد کوشش کی ہے اور وہ میرے لیے انتہائی قابل احترام ہیں۔
فرحان ورک نے جہانگیرترین کے جواب میں کہا ہے کہ میں پہلے ہی کہہ چکا ہوں کہ ساری مہم خود اپنی کریڈیبلٹی پر چلائی تھی یہ میری سچائی کا ثبوت ہے کہ مجھے کوئی حکم نہیں دیتا۔
میں نے کل بھی بولا تھا. میں آج بھی بولتا ہوں. میں نے ساری مہم خود اپنی کریڈیبلٹی پر چلائی تھی. میں اب بھی کھڑا ہوں. یہ میری سچائی کا ثبوت ہے کہ مجھے کوئی حکم نہیں دینا. اپنی مرضی کرتا ہوں اور انشااللہ دو مہینہ میں سب کو پتہ لگ جائے گا سچا کون تھا. pic.twitter.com/9zFN3i1Ec9
— Dr Farhan K Virk (@FarhanKVirk) April 21, 2019
جہانگیر ترین کے ردعمل سے قبل سوشل میڈیا پر جاری لڑائی میں پی ٹی آئی کے ہمدرد آپس میں نہ صرف تندوتیز بحث کررہے تھے بلکہ ایک دوسرے پر سنگین الزام تراشی بھی جاری تھی ۔
یہی نہیں اس سوشل میڈیا وار میں دوسری سیاسی جماعتوں کے کارکن اور صحافی بھی شریک ہوئے اور یہ سلسلہ جہانگیر ترین کے ردعمل کے بعد بھی جاری و ساری ہے۔