کابل: امریکہ کے نمائندہ خصوصی برائے افغان مفاہمتی عمل زلمے خلیل زاد نے واضح کیا ہے کہ افغان طالبان سے مذاکرات کے دوران عبوری حکومت کے قیام پر کوئی بات نہیں ہوئی ہے۔
“I did not discuss an interim government with the Taliban,” @US4AfghanPeace said in Kabul. “We are in a hurry for the sake of the Afghan people to end the violence as soon as we can. We cannot leave the situation in a state of uncertainty. We need to complete the process.”
— Ehsanullah Amiri (@euamiri) January 28, 2019
ہم نیوز نے ممتاز صحافی احسان اللہ امیری کے سماجی رابطے کی ویب سائٹ ’ٹوئٹر‘ پر جاری کردہ ایک پیغام کے حوالے بتایا ہے کہ افغانستان کے دارالحکومت کابل میں انہوں نے کہا ہے کہ ہمیں صرف اس بات کی جلدی ہے کہ جتنی جلد ممکن ہو سکے افغانستان میں جاری تشدد کا خاتمہ ہو تاکہ وہاں کے لوگوں کی زندگیاں محفوظ ہوسکیں۔
امریکہ کے نمائندہ خصوصی برائے افغان مفاہمتی عمل زلمے خلیل زاد کے حوالے سے احسان اللہ امیری نے لکھا ہے کہ ان کا کہنا ہے کہ ہم عدم استحکام کی کیفیت کا شکار افغانستان چھوڑ کر نہیں جا سکتے ہیں۔
افغان صحافی کے مطابق زلمے خلیل زاد کا کہنا ہے کہ ضرورت اس امر کی ہے کہ ہم اس ضمن میں تمام امور پایہ تکمیل کو پہنچائیں۔