اسلام آباد: وفاقی وزیر اطلاعات فواد چوہدری نے کہا ہے کہ افغان وزیر داخلہ حقیقت کا سامنا کریں اور تخیلات سے باہر آئیں۔
وزیر اطلاعات فواد چوہدری نے افغان وزیر داخلہ کے ٹوئٹربیان کے جواب میں سماجی رابطے کی ویب سائٹ ٹوئٹر پر اپنے ردعمل میں کہا ہے کہ داعش کے خطرے کو نظرانداز کرنا خود فریبی کی جنت میں رہنے کے مترادف ہے۔
Trivializing the threat of ISIS is to live in cukoland,the new Afghan interior minister needs a reality check.Decide if you want Pakistan as a partner or as a scapegoat for your own govt’s failures. Mr. Minister!Time to get real and give up phantom thoughts from a paranoid mind
— Ch Fawad Hussain (@fawadchaudhry) December 24, 2018
انہوں نے کہا کہ نئے افغان وزیر داخلہ کو حقیقت کے ادراک کی ضرورت ہے اور اُنہیں فیصلہ کرنا ہوگا کہ بطور شراکت دار آپ کو پاکستان کی ضرورت ہے یا پھر اپنی حکومت کی ناکامیوں کے لئے قربانی کا بکرا چائیے۔
افغان وزیر داخلہ امراللہ صالح نے کچھ روز قبل اپنے ایک ٹوئٹ میں پاکستان پر الزام عائد کیا تھا کہ پاکستان افغان طالبان کے ساتھ مکمل تعاون اور ان کی پشت پناہی کر رہا ہے۔
واضح رہے کہ افغان صدر اشرف غنی نے امرللہ صالح کو کچھ روز قبل ہی افغان وزیر داخلہ مقرر کیا ہے۔ جس کے بعد انہوں نے اپنے ایک ٹوئٹ پر پاکستان پر افغان طالبان کی حمایت کا الزام عائد کر دیا۔
پاکستان اپنے پڑوسی ملک افغانستان کے ساتھ بہتر تعلقات کا خواہاں ہے اور اسی سلسلے میں پاکستان کے وزیر داخلہ شاہ محمود قریشی آج افغانستان کے دورے پر روانہ ہو گئے ہیں۔
