اسلام آباد: وزیراعظم عمران خان نے کہا ہے کہ جب دیسی بندہ مرغیوں کے ذریعے غربت کے خاتمے کی بات کرے تو اس کا مذاق اڑایا جاتا ہے۔
وزیراعظم عمران خان نے بل گیٹس کی ایک خبر کو اپنے ٹویٹر اکاؤنٹ پر پوسٹ کیا اور لکھا ہے کہ جب ولایتی لوگ غربت کے خاتمے کیلئے دیسی مرغیوں کی بات کریں تو اس کو زبردست تجویز قرار دیا جاتا ہے۔
For the colonised minds when desis talk about chickens combating poverty they get mocked, but when “walaitis” talk about desi chicken and poverty it’s brilliance! https://t.co/bjvQQIVoRv
— Imran Khan (@ImranKhanPTI) December 1, 2018
وزیراعظم نے حکومت کی 100 روزہ کارکردگی کے حوالے سے منعقد ایک تقریب میں کہا تھا کہ ہم چھوٹے کسانوں کی بہتری کیلئے لائیو اسٹاک کو بہتر بنائیں گے۔ عمران خان کے اس بیان کا سوشل میڈیا پر مذاق بھی بنایا گیا تھا۔
سوشل میڈیا پر تنقید کے جواب میں عمران خان نے کہا ہے کہ جب دیسی بندہ مرغیوں کے ذریعے غربت کے خاتمے کی بات کرے تو اس کا مذاق اڑایا جاتا ہے۔
وزیراعظم نے ایک اور ٹویٹ میں وزیرتوانائی کی کارکردگی کو سراہتے ہوئے کہا کہ میں بجلی چوری کی روک تھام پر مبارکباد دیتا ہوں۔
عمران خان نے اپنے ٹویٹ میں کہا ہے کہ مہنگی بجلی اور لوڈشیڈنگ کی ایک وجہ بجلی چوری ہے۔
I want to congratulate the Power Minister & his Ministry. One of the reasons for expensive electricity and load shedding is power theft. pic.twitter.com/cIoGshcANV
— Imran Khan (@ImranKhanPTI) December 1, 2018
