تحریک انصاف کے چیئرمین عمران خان نے نو فلائی لسٹ میں نام شامل کئے جانے پر ردعمل میں کہا ہے کہ میرا بیرون ملک سفر کرنے کا کوئی ارادہ نہیں ہے۔
ان کا کہنا تھا کہ میری بیرون ملک کوئی جائیدادیں ہیں نہ ہی کوئی کاروبارہے،چھٹیاں گزارنے کا موقع ملا تو شمالی علاقہ جات کی سیر کروں گا۔
واضح رہے کہ وفاقی تحقیقاتی ادارے نے چیئرمین پی ٹی آئی عمران خان،بشریٰ بی بی، اسد عمر اور اسد قیصر سمیت 372پی ٹی آئی رہنماؤں کے نام نوفلائی لسٹ میں شامل کر لیے ہیں۔
ذرائع کے مطابق یہ نام پولیس کی سفارش پر 9 مئی کے جلاؤ گھیراؤ واقعات میں ملوث ہونے کے تناظر میں ڈالے گئے ہیں۔
