ڈی ایچ اے فیز ٹو میں چیتے کےشہریوں پر حملے کا مقدمہ درج کر لیا گیا۔
وقوعہ کا مقدمہ تھانہ سہالہ میں درج کیا گیا۔ مقدمہ نامعلوم ملزم کے خلاف دفعہ 324/289 ت پ کے تحت درج کیا گیا۔
اسلام آباد پولیس کی طرف سے جاری بیان میں کہا گیا ہے کہ چیتا کسی نامعلوم شخص نے گھر میں پالا ہوا تھا۔
ملزم نے خطرناک جانور رکھ کر شہریوں کی زندگی کو خطرے میں ڈالا۔ ملزم کی تلاش جاری ہے ، اسے جلد گرفتار کرکے قانونی کارروائی کی جائے گی۔
خیال رہے کہ گزشتہ روز ڈی ایچ اے فیز ٹو میں چیتا ایک گھر میں گھس گیا تھا جس نے شہریوں پر حملہ کیا تھا۔
