سندھ میں 25 مارچ تک پینشن دینے کا فیصلہ


کراچی: وزیراعلیٰ سندھ سید مراد علی شاہ نے صوبے کے ریٹائرڈ ملازمین کو جلد پینشن دینے کا فیصلہ کرلیا۔

ہم نیوز کے مطابق سید مراد علی شاہ نے محکمہ خزانہ کو 25 مارچ سے پینشن دینے کی ہدایت دے دی۔

یہ فیصلہ کورونا وائرس کے پیش نظر کیا گیا جس کے باعث صوبے بھر میں 15 روز کا لاک ڈاؤن جاری ہے۔

مزید پڑھیں: سندھ میں لاک ڈاؤن کا پہلا دن، خلاف ورزی پر متعدد گرفتار

لاک ڈاؤن کے تحت صوبے کے دفاتر، پبلک ٹرانسپورٹ اور شاپنگ مالز سمیت تمام عوامی مقامات بند ہیں۔

سندھ میں میڈیکل اسٹورز اور اشیائے خورونوش فروخت کرنے والوں کا کام جاری ہے جبکہ گاڑی میں ڈرائیور کے علاوہ ایک شخص کو سفر کرنے کی بھی اجازت ہے تاہم گھر سے نکلنے کے لیے شناختی کارڈ ہمراہ رکھنا لازم قرار دیا گیا ہے۔

اس کے علاوہ سندھ میں بجلی، پانی، ٹی وی، کیبل، ٹیلی کام اور بینکنگ سروسز جاری ہیں جبکہ وزیراعلیٰ سندھ مراد علی شاہ نے بجلی اور گیس فراہم کرنے والی کمپنیوں کو ایک ماہ کے بل نہ لینے کی ہدایت کردی ہے۔


متعلقہ خبریں