ایرانی سپریم لیڈر مجتبیٰ خامنہ ای نے کہا ہے کہ ایران اور خلیج فارس کے ممالک کی تقدیر مشترک ہے اور خطے کے تمام ممالک ایک دوسرے سے گہرے طور پر جڑے ہوئے ہیں۔

انہوں نے اپنے بیان میں واضح کیا کہ خلیج فارس اور آبنائے ہرمز میں ایک نئے دور کا آغاز ہو رہا ہے جہاں علاقائی تعاون کو مرکزی حیثیت حاصل ہوگی۔

انہوں نے کہا کہ ایران خطے میں آبی راستوں کے غلط استعمال اور بیرونی طاقتوں کی زیادتیوں کو ختم کرنے کے لیے عملی اقدامات کرے گا اور خلیجی خطے کی سلامتی کو یقینی بنایا جائے گا۔

ان کا کہنا تھا کہ خلیج فارس کا مستقبل امریکہ کے بغیر ہوگا اور خطہ اپنی خودمختاری کے ساتھ عوام کی خوشحالی کی طرف آگے بڑھے گا۔

دشمن ممالک کو آبنائے ہرمز میں داخل نہیں ہونے دیں گے یہ ہماری قومی مزاحمت کی علامت ہے، ایرانی صدر

سپریم لیڈر نے کہا کہ آبنائے ہرمز ماضی میں عالمی طاقتوں کی لالچ کا مرکز رہی ہے اور مختلف ادوار میں بیرونی قوتیں اس خطے پر اثرانداز ہونے کی کوشش کرتی رہی ہیں تاہم ایران نے ہر مشکل وقت میں ثابت قدمی اور جرات کا مظاہرہ کیا ہے۔

انہوں نے مشرق وسطیٰ میں سیکیورٹی کی خرابی کی بنیادی وجہ امریکی فوجی موجودگی کو قرار دیتے ہوئے کہا کہ خلیج فارس کے ممالک میں قائم امریکی اڈے عدم استحکام کو بڑھا رہے ہیں۔

ان کے مطابق یہ بات ثابت ہو چکی ہے کہ غیر ملکی افواج کی موجودگی خطے کے امن کے لیے نقصان دہ ہے اور حتیٰ کہ امریکی اڈے اپنی حفاظت کی مکمل صلاحیت بھی نہیں رکھتے۔

مجتبیٰ خامنہ ای نے مزید کہا کہ ایران اپنی جوہری اور میزائل صلاحیتوں کی سختی سے حفاظت کرے گا کیونکہ ایرانی عوام انہیں قومی سرمایہ سمجھتے ہیں۔ انہوں نے زور دیا کہ ایران ان دفاعی صلاحیتوں کو اپنی زمینی، فضائی اور بحری سرحدوں کی طرح محفوظ رکھے گا اور کسی بھی دباؤ کو قبول نہیں کیا جائے گا۔

آبنائے ہرمز کھلوانے کے لیے امریکا نیا عالمی اتحاد بنانے کے لیے سرگرم ہو گیا۔

 امریکی محکمہ خارجہ نے دنیا بھر میں امریکی سفارتخانوں کو ہدایات جاری کر دی ہیں ،امریکی میڈیا کے مطابق ہدایات میں کہا گیا ہے کہ متعلقہ ممالک کو ایک نئے معاہدے کیلیے راغب کریں۔

آبنائے ہرمز پر ایران کی شرائط قبول نہیں کریں گے ، امریکی وزیر خارجہ

اس نئے معاہدے کا نام میری ٹائم فریڈم کنسٹرکٹ رکھا گیا ہے۔ امریکی صدر ٹرمپ چند ہفتے قبل دعویٰ کر چکے ہیں کہ ہرمز مکمل طور پر کھلی اور کاروبار کے لیے تیار ہے۔

دوسری جانب امریکی اخبار واشنگٹن پوسٹ کے مطابق امریکی طیارہ بردار جہاز جیرالڈ فورڈ بھی جلد مشرق وسطیٰ سے نکل جائے گا ، بحری بیڑا مرمت کے لیے مشرق وسطیٰ سے باہر لے جایا جا رہا ہے۔

امریکی صدرڈونلڈ ٹرمپ نے ایران کی بحری ناکہ بندی جاری رکھنے کا اعلان کردیا۔

میڈیا سے گفتگو کرتے ہوئے انہوں نے کہا کہ جوہری پروگرام پر معاہدے تک ناکہ بندی جاری رہے گی،ناکہ بندی بمباری سے زیادہ مؤثر ہے۔

میری والدہ کو بادشاہ چارلس پر کرش تھا ، صدر ٹرمپ کا حیران کن انکشاف

ایران کی قیادت ڈیل کرنا چاہتی ہے،ایران چاہتا ہے کہ ناکہ بندی ختم کی جائے،میں ناکہ بندی ختم نہیں کروں گا۔

امریکی صدر نے دو ٹوک الفاظ میں کہا کہ ایران کسی صورت ایٹمی ہتھیار حاصل نہیں کر سکتا۔

سعودی عرب کے لیے تیل لے جانے والا جاپانی آئل ٹینکر حساس سمندری گزرگاہ آبنائے ہرمز سے بحفاظت گزر گیا، جسے عالمی توانائی ترسیل کے حوالے سے اہم پیش رفت قرار دیا جا رہا ہے۔

ذرائع کے مطابق پاناما کے پرچم تلے چلنے والا یہ آئل ٹینکر تقریباً 20 لاکھ بیرل خام تیل لے کرسعودی عرب کی جانب رواں دواں تھا۔

آبنائے ہرمز دنیا کی اہم ترین تیل گزرگاہوں میں شمار ہوتی ہے، جہاں سے عالمی تیل ترسیل کا بڑا حصہ گزرتا ہے، خطے میں کشیدگی کے باعث اس راستے سے گزرنے والے بحری جہازوں پر عالمی سطح پرگہری نظررکھی جاتی ہے۔

ایران کیخلاف طویل المدتی ناکہ بندی کی تیاری کریں ، ٹرمپ کی مشیروں کو ہدایت

ماہرین کے مطابق ٹینکرکا بحفاظت گزرنا نہ صرف عالمی منڈی کیلئے مثبت اشارہ ہے بلکہ اس سے توانائی کی مسلسل فراہمی کے حوالے سے خدشات میں بھی کمی آئے گی۔

واضح رہے کہ خلیجی پانیوں میں سکیورٹی صورتحال کے باعث تیل بردارجہازوں کی نقل وحرکت اکثر خبروں کی زینت بنتی رہتی ہے۔

امریکی صدر ڈونلڈ ٹرمپ نے دعویٰ کیا کہ ایران نے امریکا کو بتایا ہے کہ وہ تباہی کے دہانے پر ہے۔

سوشل میڈیا پر جاری بیان میں صدر ٹرمپ نے کہا کہ ایران چاہتا ہے کہ جتنی جلدی ممکن ہو امریکا آبنائے ہرمز کھول دے۔

ڈونلڈ ٹرمپ نے مزید کہا کہ ان کے خیال میں ایران اس صورتحال سے نکلنے کی صلاحیت رکھتا ہے۔

ٹرمپ ایران کی نئی تجویز سے ناخوش ہیں، امریکی عہدیدار کا دعویٰ

صدر ٹرمپ نے اپنے بیان میں یہ نہیں بتایا کہ ان سے ایران کے کون سے حکام نے کب، کہاں اور کس طرح رابطہ کیا تھا ،تاحال ایرانی حکام کی جانب سے اس بیان پر کوئی باضابطہ ردعمل سامنے نہیں آیا۔

ادھر امریکی میڈیا نے کہا ہے کہ آبنائے ہرمز کو فوری کھولنے اور جوہری پروگرام پر بعد میں بات کرنے کی ایرانی تجویز صدر ٹرمپ کے سامنے آئی لیکن وہ اسے قبول کرنے کے حق میں نہیں۔

ایران کی مسلح افواج کے ترجمان بریگیڈیئر جنرل محمد اکرمی نیا نے کہا ہے کہ ملک کی افواج مکمل طور پر تیار ہیں اور موجودہ صورتحال کو جنگ کے خاتمے کے طور پر نہیں دیکھا جا رہا۔

ایرانی میڈیا کے مطابق انہوں نے واضح کیا کہ اگرچہ میدان میں وقتی خاموشی یا جنگ بندی جیسی صورتحال پیدا ہوئی، تاہم ایران نے امریکا اور دیگر دشمنوں پر عدم اعتماد کے باعث اپنی جنگی تیاریوں کو برقرار رکھا ہے اور نئے اہداف کا تعین بھی کر لیا گیا ہے۔

ترجمان کے مطابق جنگ سے قبل انٹیلیجنس جائزوں کی بنیاد پر تمام فوجی یونٹس کو ہائی الرٹ پر رکھا گیا تھا۔ انہوں نے اصفہان میں پیش آنے والے ایک واقعے کا حوالہ دیتے ہوئے کہا کہ دشمن کی دراندازی کی کوشش کے دوران ایرانی زمینی افواج نے فوری کارروائی کرتے ہوئے امریکی طیاروں کو نشانہ بنایا، جس کے نتیجے میں دشمن کی کارروائی ناکام ہو گئی۔

پاکستان کی ثالثی کوششوں کو قطر کی مکمل حمایت، مذاکرات پر زور

انہوں نے مزید دعویٰ کیا کہ جنگ کے دوران ایران کے قومی فضائی دفاعی مرکز کے تحت کام کرنے والے یونٹس نے 170 سے زائد دشمن ڈرونز اور 16 لڑاکا طیاروں کو مار گرایا۔ اس کے علاوہ ایرانی فضائیہ نے ابتدائی مرحلے میں عراق، کویت اور قطر میں دشمن کے اڈوں کو بھی نشانہ بنایا۔

ترجمان نے ایک امریکی میڈیا رپورٹ کا حوالہ دیتے ہوئے کہا کہ ایرانی فضائیہ کے ایک ایف-5 طیارے نے مختلف دفاعی حصار عبور کرتے ہوئے ایک امریکی اڈے کو کامیابی سے نشانہ بنایا۔

انہوں نے یہ بھی کہا کہ ایرانی بحریہ نے نیول کروز میزائلوں اور ڈرونز کے ذریعے خطے اور اسرائیل میں اہداف کو نشانہ بنایا اور امریکی طیارہ بردار جہاز ابراہام لنکن کو ایرانی ساحل کے قریب آنے سے روک دیا گیا۔

برطانیہ نے لندن میں تعینات ایرانی سفیر کو دفتر خارجہ طلب کر کے وضاحت طلب کی ہے۔

برطانوی دفتر خارجہ کے مطابق یہ اقدام سوشل میڈیا پر سامنے آنے والے اشتعال انگیز تبصروں کے جواب میں کیا گیا ہے۔

ذرائع کے مطابق برطانوی حکام نے ایرانی سفیر سے ان بیانات اور آن لائن سرگرمیوں پر تشویش کا اظہار کیا جو دونوں ممالک کے درمیان سفارتی تعلقات پر اثرانداز ہو سکتے ہیں۔

پاکستان کی ثالثی کوششوں کو قطر کی مکمل حمایت، مذاکرات پر زور

دفتر خارجہ نے واضح کیا کہ برطانیہ آزادی اظہار کی حمایت کرتا ہے تاہم کسی بھی قسم کے اشتعال انگیز یا کشیدہ ماحول پیدا کرنے والے بیانات کو سفارتی آداب کے منافی سمجھا جاتا ہے۔

سفارتی ذرائع کے مطابق ملاقات میں معاملے کی نوعیت اور مستقبل میں ایسے واقعات سے بچاؤ کے اقدامات پر بھی بات چیت کی گئی۔

ایران نے اعلان کیا ہے کہ وہ اپنی دفاعی صلاحیتیں ایشیا کے آزاد ممالک، خصوصاً شنگھائی تعاون تنظیم کے رکن ممالک کے ساتھ شیئر کرنے کے لیے تیار ہے۔

ایرانی نائب وزیر دفاع رضا طلائی نِک نے کرغزستان کے دارالحکومت میں شنگھائی تعاون تنظیم کے وزرائے دفاع کے اجلاس کے دوران کہا کہ ایران دیگر ممالک کے ساتھ امریکا کے خلاف جنگ کے تجربات بھی شیئر کرنے کو تیار ہے۔

انہوں نے کہا کہ حالیہ جنگ میں ایران نے اپنے دفاعی نظام کی صلاحیت کا عملی مظاہرہ کیا، جس میں ڈرونز اور میزائل حملے شامل تھے، جبکہ فضائی حدود میں امریکی ڈرونز کو بھی نشانہ بنایا گیا۔

واضح رہے کہ ایران نے فروری کے آخر سے اپریل کے اوائل تک امریکا اور اسرائیل کے ساتھ ایک شدید تنازع کا سامنا کیا، جو بعد ازاں جنگ بندی پر ختم ہوا، تاہم تنازع کے مستقل حل کے لیے سفارتی کوششیں تاحال تعطل کا شکار ہیں۔

ایرانی حکام کے مطابق حالیہ دنوں میں روس اور بیلاروس کے دفاعی حکام کے ساتھ بھی ملاقاتیں ہوئی ہیں، جن میں باہمی تعاون جاری رکھنے پر زور دیا گیا۔

تجزیہ کاروں کا کہنا ہے کہ ایران کا یہ بیان خطے میں دفاعی تعاون کے نئے امکانات کی نشاندہی کرتا ہے، تاہم اس کے علاقائی سلامتی پر اثرات کا جائزہ لینا بھی ضروری ہوگا۔

امریکی صدر ڈونلڈ ٹرمپ ایران کی جانب سے جنگ کے خاتمے کے لیے پیش کی گئی تازہ تجویز سے خوش نہیں ہیں۔ 

برطانوی خبر رساں ادارے رائٹرز نے امریکی حکام کے حوالے سے کہا ہے کہ ایران نے اپنی نئی تجویز میں جوہری پروگرام پر بات چیت کو جنگ کے خاتمے اور خلیجی سمندری راستوں کے تنازعات حل ہونے تک مؤخر کرنے کی بات کی ہے، تاہم واشنگٹن کا مؤقف ہے کہ جوہری معاملہ مذاکرات کے آغاز ہی میں شامل ہونا چاہیے۔

وائٹ ہاؤس کا کہنا ہے کہ امریکا اپنی “سرخ لکیروں” پر واضح ہے اور میڈیا کے ذریعے مذاکرات نہیں کرے گا، جبکہ ٹرمپ انتظامیہ فروری سے جاری جنگ کے خاتمے کے لیے کوششیں جاری رکھے ہوئے ہے۔

دوسری جانب ایران کے وزیر خارجہ عباس عراقچی خطے کے مختلف ممالک کے دورے کر رہے ہیں، جن میں پاکستان، عمان اور روس شامل ہیں، تاکہ سفارتی حل کی راہ نکالی جا سکے۔ تاہم دونوں ممالک کے مؤقف میں واضح فرق برقرار ہے۔

ادھر جنگ کے باعث عالمی منڈی میں تیل کی رسد متاثر ہو رہی ہے، خصوصاً آبنائے ہرمز میں بحری آمدورفت شدید محدود ہو گئی ہے۔ شپ ٹریکنگ ڈیٹا کے مطابق جہاں پہلے روزانہ 125 سے 140 جہاز گزرتے تھے، اب یہ تعداد انتہائی کم ہو چکی ہے اور عالمی منڈی کے لیے تیل کی ترسیل تقریباً معطل ہے۔

امریکی ناکہ بندی کے باعث ایرانی تیل سے بھرے کئی ٹینکرز کو واپس لوٹنا پڑا، جبکہ ایران نے ان اقدامات کو کھلے عام “سمندری ڈکیتی” قرار دیا ہے۔

تجزیہ کاروں کے مطابق جاری تعطل کے باعث تیل کی قیمتوں میں مزید اضافے کا خدشہ ہے، جبکہ امریکی صدر کو اندرون ملک بھی جنگ کے خاتمے کے لیے دباؤ کا سامنا ہے۔