راولپنڈی: چیف آف آرمی اسٹاف جنرل قمر جاوید باجوہ سے قطر کے نائب وزیر اعظم اور وزیر خارجہ محمد بن عبدالرحمان الثانی نے ملاقات کی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف اور قطری وزیر خارجہ کی ملاقات میں باہمی دلچسپی کے امور اور علاقائی سیکیورٹی کی صورتحال پر تبادلہ خیال کیا گیا۔
قطری وزیر خارجہ نے خطے میں قیام امن سے متعلق پاکستان کے کردار کی تعریف کرتے ہوئے کہا کہ خطے میں دہشت گردی کے خلاف پاکستان کی قربانیاں قابل قدر ہیں۔
جنرل قمر جاوید باجوہ نے کہا کہ پاکستان خطے میں امن و امان کی صورتحال کو بہتر کرنے کے لیے اپنا کردار ادا کرتا رہے گا۔
H.E Mohammed bin Abdul Rahman Al Thani, Deputy Prime Minister and Minister of Foreign Affairs Qatar called on General Qamar Javed Bajwa, Chief of Army Staff.
Matters of mutual interest including regional security issues discussed. pic.twitter.com/6AUBvqYMlG— Maj Gen Asif Ghafoor (@OfficialDGISPR) October 20, 2018
قطری وزیر خارجہ نے ہفتے کو وزیر اعظم عمران خان اور پاکستانی ہم منصب شاہ محمود قریشی سے بھی ملاقات کی اور خطے کی صورتحال پر تبادلہ خیال کیا۔
محمد بن عبدالرحمان گزشتہ روز اپنے ایک روزہ دورے پر پاکستان پہنچے تھے۔
