سعودی عرب میں نگرانی اور انسداد بدعنوانی اتھارٹی “نزاہہ” نے رشوت خوری اور اختیارات کے غلط استمال کرنے پر 146 سرکاری اہلکاروں کو گرفتار کر لیا۔
نزاہہ نے مارچ میں 239 ملزموں سے متعدد فوجداری اور انتظامی مقدمات میں تفتیش کی ۔ مقدمات میں رشوت خوری، اختیارات کا غلط استعمال، جعلسازی اور منی لانڈرنگ کے جرائم شامل تھے۔وزارت داخلہ اور دفاع سمیت آٹھ سرکاری اداروں کے 146 اہلکاروں کو گرفتار کیا گیا۔
سعودی عرب میں 19 ہزار غیر قانونی تارکین گرفتار ، 9 ہزار بیدخل
وزارتِ انصاف، وزارتِ نیشنل گارڈ، تعلیم، صحت، میونسپلٹی و دیہی امور اور زکوٰۃ و ٹیکس کے محکموں کے ملازمین بھی گرفتار ہونے والوں میں شامل تھے۔ ’’ نزاہہ ‘‘ نے گرفتار کیے گئے متعدد افراد کو ضمانت پر رہا بھی کر دیا۔
مکہ مکرمہ میں محکمہ انسداد گداگری کی ٹیمیں تعینات، 4 ہزار 345 بھکاری گرفتار
نزاہہ کے بیان کے مطابق مارچ کے دوران سلامتی کے تحفظ، شفافیت کے اصول کی پاسداری اور مالی اور انتظامی بدعنوانی سے نمٹنے کے لیے لگ بھگ 1657 واقعات کی نگرانی کی گئی۔ گزشتہ ماہ “نزاہہ” نے 3,209 نگرانی کی کارروائیاں کرکے 288 مشتبہ افراد سے تفتیش کی تھی۔
