سنی اتحاد کونسل نے پشتونخوا ملی عوامی پارٹی کے سربراہ محمود اچکزئی کو صدارتی امیدوار نامزد کر دیا ہے۔
ذرائع کا کہنا ہے کہ اس حوالے سے بانی پی ٹی آئی عمران خان نے اڈیالہ جیل سے سنی اتحاد کونسل کے رہنماؤں کے لیے پیغام جاری کیا ہے کہ وہ محمود اچکزئی کی حمایت کریں۔
الیکشن کمیشن کا صدارتی الیکشن 9 مارچ کو کرانے کا فیصلہ
الیکشن کمیشن نے 9 مارچ کو صدارتی انتخاب کے شیڈول کا اعلان کر رکھا ہے جس کیلئے کاغذات نامزدگی آج ہفتے کودوپہر 12 بجے سے پہلے جمع کرائے جا سکیں گے ، کاغذات نامزدگی کی جانچ پڑتال 4 مارچ کو صبح 10 بجے اور 5 مارچ دوپہر 12 بجے تک واپس لیے جا سکیں گے۔
واضح رہے کہ گزشتہ روز نجی ٹی وی کے شو میں گفتگو کرتے ہوئے تحریک انصاف کے رہنما شیر افضل مروت نے محمود اچکزئی کو صدارتی امیدوار نامزد کرنے کا اشارہ دیا تھا۔
