غیر حتمی غیر سرکاری نتائج کے مطابق سابق صوبائی وزیر اطلاعات کامران بنگش کو صوبائی حلقہ پی کے 82 پشاور سے شکست ہو گئی۔
اس حلقے سے طارق اعوان 20334 ووٹ لے کر پہلے جبکہ کامران بنگش 14030 ووٹوں کے ساتھ دوسرے نمبر پر رہے۔
جہانگیر ترین اپنے آبائی حلقے سے ہار گئے
کامران بنگش نے نتائج ماننے سے انکار کر دیا اور اپنے ایکس پر اپنے ٹوئٹ میں کہا کہ ریٹرننگ آفیسر پی کے 82 نے ایک فرضی فارم 47 جاری کرکے تمام فارمز 45 کی نفی کرکے نتائج کو مکمل طور پر بدل دیا ہے۔
انہوں نے مزید کہا کہ میرے تقریباً 30 ہزار ووٹ کو بدل کر میرے مخالف امیدوار جو کہ چھٹے نمبر پر ہیں ان کی جیت کا اعلامیہ جاری کر دیا گیا۔
