سابق صوبائی وزیر بشارت راجہ نے کہا ہے کہ این اے 55 کے آر او نے فارم 47 جاری کرکےمیرے مخالف امیدوار کو کامیاب قرار دیا۔
سماجی رابطوں کی ویب سائٹ ایکس پر جاری ویڈیو بیان میں راجہ بشارت نے کہا کہ میرے پاس پورے حلقے فارم 45 موجود ہیں جن کے مطابق میں 50 ہزار کی لیڈ سے جیت رہا ہوں ،پورے حلقے میں کوئی ایسا پولنگ اسٹیشن نہیں جہاں سے میرا مخالف کامیاب ہوا ہو۔
این اے 55 اور 58 پر ن لیگ نے میدان مار لیا
میری الیکشن کمیشن آف پاکستان سے گزارش ہے کہ فوری طور پر اس بات کا نوٹس لیا جائے کہ آر او نے کس بنیاد پر فارم 47 جاری کیا جبکہ فارم 45 کے مطابق 50 ہزار کی میری لیڈ موجود ہے ۔
انہوں نے کہا کہ ہم اس طرح اپنا مینڈیٹ چوری نہیں ہونے دیں گے ، اگر ایک آر او کامیاب امیدوار کو ناکام قرار دے گا تو پھر یہ زیادتی ہو گی ۔
یہاں یہ بات بھی قابل ذکر ہے کہ فارم 46 جاری ہونا تھا لیکن فارم 47فوری طور پر جاری کیا گیا ہے ، جو اس بات کا اشارہ دے رہا ہے کہ یہ سب ملی بھگت سے نیتجہ تبدیل کیا گیا ہے ۔
آزاد امیدوار شاندانہ گلزار 78 ہزار 971 ووٹ لیکر کامیاب قرار
انکا مزید کہنا تھا کہ ہم 5 گھنٹوں سے فارم 45 لے کر پھرتے رہے لیکن آر او انہیں ماننے کیلئے تیار نہیں ۔ انشاللہ ہم اپنے حق پر ڈاکا ڈالنے نہیں دیں گے!
