واشنگٹن: امریکی صدر ڈونلڈ ٹرمپ نے اوپیک ممالک کو وارننگ دی ہے کہ عالمی منڈی میں تیل کی قیمتیں بڑھ گئی ہیں اور یہ اچھا نہیں۔
سوشل میڈیا سائٹ پر اپنے ٹویٹ میں انہوں نے کہا ہے کہ تیل کی قیمتیں بڑھ گئی ہیں اور اس کے پیچھے اوپیک ممالک ہیں جو کہ اچھا نہیں ہے۔
Oil prices are too high, OPEC is at it again. Not good!
— Donald J. Trump (@realDonaldTrump) June 13, 2018
پچھلے ماہ ٹرمپ نے ایران پر معاشی پابندیاں عائد کر دی تھیں جس کی وجہ سے عالمی منڈی میں تیل کی قیمتوں میں اضافہ شروع ہوا تھا، مئی کے آخر میں سعودی عرب اور روس نے اعلان کیا تھا کہ وہ تیل کی فراہمی کو محدود رکھنے والے معاہدے پر نظرثانی پر غور کر رہے ہیں۔
امریکہ میں بدھ کو خام تیل کی قیمتیں 66 ڈالر فی بیرل تھیں جو کہ 22 مئی کی قیمت 73 ڈالر سے نو اعشاریہ پانچ فیصد کم ہیں، رپورٹس کے مطابق قیمتوں میں کمی اس وقت آئی جب امریکی صدر نے سعودی عرب سے تیل کی فراہمی بڑھانے کا کہا تھا۔
