شہرِ کراچی میں بسنے والی بوہری برادری میں آج عید الاضحیٰ مذہبی عقیدت اور احترام سے منائی جارہی ہے۔
تفصیلات کے مطابق کراچی کے مختلف علاقوں میں موجود بوہری برادری سے تعلق رکھنے والے افراد نے آج نماز عید ادا کی۔ کراچی میں بوہری برادری کی نماز عید کا سب سے بڑا اجتماع طاہری مسجد صدر بوہری بازار میں ہوا۔
بوہری برادری کی جانب سے نمازِ عید ادا کرنے کے بعد سنت ابراہیمی کی ادائیگی کیلئے جانوروں کی قربانی کا سلسلہ جاری ہے۔ نمازِ عید کے موقع پر سکیورٹی کے سخت انتظامات کیے گئے تھے جبکہ طاہری مسجد سے منسلک سڑکوں کو سیکیورٹی وجوہات کے سبب بند کیا گیا تھا۔
بوہری برادری آج عید الاضحیٰ مذہبی عقیدت و احترام سے منارہی ہے۔ کراچی میں بوہری برادری کی نماز عید کا سب سے بڑا اجتماع طاہری مسجد صدر بوہری بازار میں ہوا۔ #TOKAlert #Karachi #EidulAdha2023 pic.twitter.com/eyV2wmFLDn
— Times of Karachi (@TOKCityOfLights) June 28, 2023
خیال رہے کہ دنیا بھر میں بوہرہ برادری کی اکثریت اس وقت ممبئی میں مقیم ہے، وہیں ان کا پایہ تخت بھی ہے۔ برادری کے آباوٴ اجداد بھارتی ریاست گجرات کے قدیم باشندے تھے تاہم موجودہ دور میں کراچی دنیا میں ان کا دوسرا بڑا مسکن ہے۔
