خیبرپختونخوا حکومت نے موجودہ 40 ہزار سے زائد سرکاری گاڑیاں افسران کو فروخت کا فیصلہ کر لیا۔
ذرائع کے مطابق سرکاری گاڑیوں کی مونٹائزیشن سے 10 ارب روپے کی آمدن ہو گی۔ صرف ریسکیو ،پولیس موبائل اور میونسپلٹی کی گاڑیوں کو سرکاری حیثیت دینے کا فیصلہ کیا گیا ہے۔
اس کے علاوہ صوبائی حکومت کا نئی گاڑیوں کی خریداری پر بھی پابندی عائد کرنے کا فیصلہ کیا ہے۔
کار مونٹائزیشن پالیسی سے متعلق محکمہ خزانہ کی جانب سے نگران صوبائی حکومت کو تجاویز پیش کی گئی ہیں۔
پالیسی کے تحت سرکاری افسر اپنے تصرف میں موجود گاڑی دو سے تین اقساط میں خرید سکے گا،ایک افسر ایک ہی گاڑی خرید سکے گا جب کہ سرکاری افسران کو ڈرائیور کی سہولت نہیں دی جائے گی۔
ذرائع کے مطابق سرکاری افسران کو باقاعدہ سبز نمبر پلیٹ دیا جائے گا۔
