لاہور:ملک میں گیس کا بحران شدت اختیار کر گیا ہے جس کی وجہ سے شہریوں کی مشکلات بڑھ گئی ہیں۔
پاکستان کو آذربائیجان رعایتی نرخ پر ایل این جی فراہم کریگا، معاہدہ طے پا گیا
اس ضمن میں ذرائع کا کہنا ہے کہ آر ایل این جی کارگو نہ آنے سے سسٹم میں گیس کم ہو گئی ہے جس سے لاہور سمیت صوبہ پنجاب کے مختلف شہروں و قصبوں میں گیس کا پریشر کم ہو گیا ہے۔
ذرائع کے مطابق لاہور کے اکثر علاقوں میں صارفین گیس سے محروم ہیں جب کہ پاور سیکٹر کو بھی گیس کی فراہمی کم کردی گئی ہے۔
ملک میں تیل وگیس کی پیداوار میں نمایاں اضافہ
اس حوالے سے ذرائع نے دعویٰ کیا ہے کہ سسٹم میں گیس کی 5 سو ملین کیوبک فٹ سے زائد کی کمی کا سامنا ہے۔
سوئی ناردرن حکام کا اس حوالے سے کہنا ہے کہ کارگو جلد پورٹ پر پہنچ جائیں گے اور نتیجتاً آئندہ ہفتے سے صورتحال معمول پر آجائے گی۔
گیس و بجلی صوبے لے لیں، وفاق کنگال و بیروزگار ہے، نیب نے 25 سال میں کس کا احتساب کیا؟شاہد خاقان
ذرائع کے مطابق سوئی ناردرن حکام نے بھی تصدیق کی ہے کہ کھاد اور ٹیکسٹائل سیکٹر کو بھی گیس کی فراہمی اس وقت کم کر دی گئی ہے، سسٹم میں گیس آنے سے پریشر بہتر ہو جائے گا۔
