وفاقی وزیر داخلہ رانا ثناء اللہ نے وکلاء سے خطاب کرتے ہوئے کہا کہ متنازعہ انداز سے الیکشن کروانے کی کوشش کی جا رہی ہے۔
انہوں نے کہا کہ تاثر دیاجا رہا ہے کہ ہم الیکشن سے بھاگ رہے ہیں،ہم الیکشن سے بھاگ نہیں رہے،جیت کر آتے ہیں۔
متنازعہ الیکشن ملک کو افراتفری کی طر ف لے جائے گا،ماضی میں ایک الیکشن نے ملک کو دولخت کیا،دوسرے نے صورتحال خراب کی۔
ان کا کہنا تھا کہ الیکشن ہوا تو تباہی ہوگی،ہم اس تبا ہی کی راہ میں رکاوٹ ہیں،ایک آدمی الیکشن کے لیے بضد ہیں،متنازعہ الیکشن ملک کو انارکی کی طرف لے جائے گا۔
