ہم نیوز کے پروگرام پاکستان ٹونائٹ میں گفتگو کرتے ہوئے پاکستان تحریک انصاف کی رہنما شیریں مزاری نے کہا کہ اسمبلی کی تحلیل کےبعد90دن میں الیکشن ہونے چاہئیں۔
قانون توڑیں گے تو اس حکومت کو سزا ملے گی،آپ آئین کو نہیں توڑ سکتے،انہیں خوف ہے الیکشن ہوئے تو یہ ختم ہو جائیں گے۔
شیریں مزاری نے مزید کہا کہ یہ کہتے ہیں کہ فیصلہ نہیں مانیں گے ،ہماری حکومت ختم کی گئی تو ہم نے یہ نہیں کہا ہم فیصلہ نہیں مانتے ۔
ہمیں سپریم کورٹ کے فیصلے پر تحفظات تھے لیکن ہم نے مانے ، حکومت آئین اور جمہوریت کو توڑنا چاہتی ہے۔آئین ا ورقانون کے مطابق چلنا ہو گا ،یہ کوئی بنانا ری پبلک نہیں ہے ہمارے پاس آئین ہے ۔
سپریم کورٹ کے فیصلے کو نہ مانا تو توہین عدالت لگائیں گے ،پہلے بھی 2وزرااعظم ہٹ چکے ہیں، اس وقت بھی ہٹ سکتا ہے۔30اپریل کے بعد نگران حکومت ایک چیک بھی سائن نہیں کر سکتی ، یہ لوگ اپنی چوری چھپانے کیلئے ہر حد تک جانے کیلئے تیار ہیں۔
شیریں مزاری نے پروگرام کے دوران مزید کہا کہ شریف خاندان اپنا امپائر اور اپنا جج لانا چاہتا ہے،یہ لوگ نہ آئین کو مانتے ہیں نہ قانون کو۔جو پارٹی آئین اور قانون کےساتھ کھڑی ہے ہم بات کرنے کیلئے تیار ہیں،ہمارے پاس کوئی ہتھار نہیں جو شہباز شریف پر رکھ کر کہیں گے الیکشن کراؤ ۔
بات چیت سیاست میں ہو تی ہے اور ہم کررہے ہیں، ایم کیو ایم حکومت کیساتھ ہے لیکن ان کو وہاں سے بھی اختلافات ہورہے ہیں۔آئین و قانون ہونے کے باوجود تشدد کیا جا رہا ہے ۔
جب سیاست دان سیاسی راستہ اپنا ہی نہیں رہے تو کس سے بات کریں۔شیریں مزاری نے سوال اٹھا یا کہ اگر تجارتی تعلقات نہیں ہیں تو اسرائیل سامان کیسے گیا ؟
