دبئی: پاکستانی تاجر نے اپنی دلہن کو سونے میں تول کر مہر ادا کردیا، سماجی رابطوں کی ویب سائٹس پر دلہن کو سونے میں تولنے کی ویڈیو وائرل ہو گئی جس پر صارفین کی جانب سے شدید ردعمل آنے لگا۔
سماجی رابطوں کی ویب سائٹس پر وائرل ہونے والی ویڈیو میں دیکھا جا سکتا ہے کہ ایک پاکستانی تاجر کی دلہن سرخ اور سبز رنگ کے لباس میں ملبوس ترازو کے ایک پلڑے میں بیٹھتی ہے جس کے بعد دوسرے پلڑے میں سونا رکھا جاتا ہے جس کے بعد دونوں پلڑے برابر ہو جاتے ہیں۔
View this post on Instagram
غیر ملکی خبر رساں ادارے کے مطابق دبئی میں انجام پانے والی اس شادی کے دولہا نے اپنی دلہن کو اس کے وزن کے برابر سونا بطور مہر دینے کا ارادہ کیا تھا جس کی وجہ سے دلہن کو سونے میں تولا گیا۔
دلہا حیران ، دلہن کی مانگ میں سندور کوئی اور بھر گیا
شادی کی تقریب کی ویڈیو جب سوشل میڈیا پر وائرل ہوئی تو صارفین کی جانب سے سخت تنقید کی جانے لگی، اس ضمن میں اکثریت کا یہ مؤقف تھا کہ ایک ایسے وقت میں جب کہ ملک معاشی بحران کا شکار ہے تو اس قسم کی ویڈیو اور پیسے کا غیر ضروری استعمال کوئی اچھا تاثر قائم نہیں کر رہا ہے۔ صارفین نے اسے دکھاوے کی ویڈیو بھی قرار دیا۔
یادگار فوٹوشوٹ کی خواہش، دلہا دلہن نے خود کو آگ لی
خبر رساں ادارے کے مطابق حیرت انگیز طور پر بعد میں اس حوالے سے دعویٰ کیا گیا کہ جو سونا دلہن کو تولنے میں استعمال ہوا وہ جعلی تھا اور سب کچھ جنرل ویڈنگ تھیم کا حصہ تھا جس کا آئیڈیا بالی ووڈ کی فلم جودھا اکبر سے مستعار لیا گیا تھا۔