حب کے بیروٹ پولیس تھانے میں سابق وزیر داکلہ شیخ رشید کیخلاف ایک اور مقدمہ مقدمہ درج کر لیا گیا ہے۔
مقدمہ پیپلزپارٹی کے رہنماعلی اصغر کی مدعیت میں درج کیا گیا، شیخ رشید کیخلاف بلوچستان کے ضلع حب میں مقدمے کی درخواست دی گئی تھی۔ ایف آئی آر کے مطابق شیخ رشید نے بلاول بھٹو کیخلاف نازیبا الفاظ استعمال کیے ہیں۔
دوسری جانب اسلام آباد ہائیکورٹ میں شیخ رشید کی کراچی منتقلی روکنے کے لیے دائر درخواست پر اعتراض عائد کر دئیے گئے ہیں، ہائیکورٹ کے رجسٹرار درخواست پر دو اعتراضات عائد کئے گئے، رجسٹرار آفس نے اعتراض کیا کہ دوسرے صوبوں میں درج مقدمات ہم کیسے دیکھ سکتے ہیں ؟ کوئی بھی معاملہ ہو اس پر مقدمہ درج کرنے سے کیسے روک سکتے ہیں ؟
یہ بھی پڑھیں: شیخ رشید اسلام آباد کے کسی تھانے میں موجود نہیں ہیں، راشد شفیق
شیخ رشید کی جانب سے درخواست دی گئی کہ عمران خان نے آصف زرداری پر قتل کا الزام لگایا جس کا میں نے حوالہ دیا۔ درخواست میں استدعا کی گئی کہ سیاسی بیان بازی کی بنا پر مزید مقدمات درج کرنے سے روکا جائے اور آبپارہ ، مری اور کراچی کے مقدمات غیر قانونی قرار دیکر کالعدم قرار دیں جبکہ کیس کے حتمی فیصلے تک کراچی منتقلی سے روکا جائے۔
خیال رہے کہ آصف زرداری پر عمران خان کے قتل کی سازش کے بیان پر شیخ رشید کے خلاف مقدمہ درج ہے۔ دوسری جانب سابق وزیر داخلہ شیخ رشید پر تھانہ مری میں ایک اور مقدمہ درج کر لیا گیا ہے۔
