ہی سی بی کے سربراہ نجم سیٹھی کا کہنا ہے کہ بھارت جانا سیاسی فیصلہ ہے، حکومت کہے گی تو جائیں گےورنہ نہیں۔بابرکے بغیر ٹیم کچھ نہیں،رمیز راجہ کو کمنٹری کے لیے ویلکم بھی کردیا۔
پی سی بی کی مینجمنٹ کمیٹی کے چیئرمین نجم سیٹھی کا کہنا ہے کہ رمیز راجہ کو نہیں روکا جائے گا،وہ کمنٹری پینل کا حصہ بننے تو ضرور آئیں گے۔بابر پاکستان کے اسٹار ہیں ،اگر وہ نہیں تو ٹیم کچھ نہیں ، وہ ہمارے دلوں میں بیٹھا ہمارا بچہ ہے۔
ان کا کہنا ہے کہ بھارت جانے پر میرا پہلے والا موقف ہے ، یہ فیصلہ سیاسی ہوتاہے۔حکومت کہے گی کہ جاؤ تو جائیں گے ورنہ نہیں۔
یہ بھی پڑھیں:رمیز راجہ کی صدارت میں چلنے والی رجیم اب نہیں رہی، نجم سیٹھی
میں سلیکٹرز لگادوں گا پھر ان کی مرضی وہ کیا کریں گے۔ابھی ہم نے عبوری سلیکشن کمیٹی بنائی ہے اس کی کارکردگی دیکھیں گے۔ٹیم اچھی بنے اور وننگ حکمت عملی پر سوچیں یہ پلان ہونا چاہیے۔
انہوں نے کہا ہے کہ میں نے مکی آرتھر سے خود رابطہ کیا تھاوہ خود ہمیں اچھے کوچز کے نام دے دیں گے۔مکی آرتھر کے معاملے پر میں آپکو اگلے دس دنوں میں مکمل خبر دوں گا۔
