اسلام آباد: وفاقی وزیر داخلہ رانا ثنا اللہ نے پارٹی کارکنان کو ہدایت کی ہے کہ پی ٹی آئی کے کارکنان بد تمیزی کریں تو الجھنے کے بجائے موبائل فون سے ویڈیو بنائیں۔
ہم نیوز کے مطابق پاکستان مسلم لیگ (ن) سے تعلق رکھنے والے وفاقی وزیر داخلہ نے کارکنان کے نام جاری کردہ پیغام میں کہا ہے کہ بدتمیزی کرنیوالا ایک شخص ہو یا زائد، سب کی قابل شناخت ویڈیو بنائیں۔
انہوں نے کہا کہ ویڈیو واٹس ایپ یا سوشل میڈیا کے ذریعے ایف آئی اے کو ٹیگ کی جائے، بد تمیزی کرنے والوں کے خلاف کارروائی ہو گی۔
وفاقی وزیرداخلہ رانا ثنا اللہ کی جانب سے کیے جانے والے اعلان کے تحت مقدمہ درج ہو گا، گرفتاری بھی ہوگی، شناختی کارڈ اور پاسپورٹ بھی بلاک ہوسکتے ہیں، آرٹیکل 15 کے تحت نقل و حرکت کے حق کا تحفظ یقینی بنائیں گے۔
شہباز شریف، خادم اعلیٰ ہیں تو پیٹرول 150 روپے لیٹر اور ڈیزل 144 روپے لیٹر کریں، عمران خان
ہم نیوز کے مطابق ن لیگی رہنما رانا ثنا اللہ نے واضح طور پر پارٹی کارکنان کو ہدایت کی ہے کہ عمران خان کے حمایتی ہاتھا پائی کریں تو دفاع کا حق استعمال کریں۔