وزیر داخلہ رانا ثنا اللہ نے کہا ہے کہ عمران نیازی کی کارکنوں کو ڈی چوک پہنچنے کی کال توہین عدالت ہے۔
اپنے بیان میں انہوں نے کہا کہ سپریم کورٹ نے پی ٹی آئی کو ایچ 9 میں اجتماع کی مشروط اجازت دی ہے،عمران نیازی کا ریکارڈ ہے اس نے عدالت کا حترام کرنا ہے نہ ادارے کا۔
ان کا کہنا تھا کہ پی ٹی آئی کارکنان نے بلیو ایریا میں درختوں کوآگ لگائی،تحریک انصاف کے کارکنوں نے املاک کو نقصان پہنچایا، شرپسند وقفے وقفے سے پولیس پر حملہ آور ہورہے ہیں۔
پی ٹی آئی والوں سے اسلحہ برآمد ہونا خونی مارچ کے ثبوت ہیں، رانا ثنا اللہ
وزیر داخلہ نے کہا کہ ریاست کا کام امن وامان یقینی بنانا اور شہریوں کے جان ومال کا تحفظ کرنا ہے۔
انہوں نے کہ کہا کہ پولیس شر پسندوں کو منتشر کرنے کیلئے آنسو گیس استعمال کرنے پرمجبور ہے،سیکیورٹی خدشات کے پیش نظر ڈی چوک کو سیل کردیا گیا ہے۔
