وفاقی وزیر اطلاعات فواد چوہدری کا کہنا ہے کہ اپوزیشن اور حکومت متفق تھے کہ معاملہ آئین اور قانون کے مطابق چلےگا، ابھی تو سرپرائز ز آنا باقی ہیں،آگے دیکھیے ہوتا ہےکیا۔
فواد چوہدری کا کہنا ہے کہ وزیراعظم عمرا ن خان کہہ چکے ہیں آخری پتا ہم نے کھیلنا ہے، جن لوگوں کو خیال تھا کہ عمران خان کو گرادیں گے انہیں ایک ہفتے میں پتہ چل جائے گا۔
ایک سرپرائز آج ملا، دوسرا 27مارچ کو ملے گا، اگلے 48 گھنٹے میں اتحادیوں کی طرف سے اعلان ہونے کا امکان ہے، لاکھوں لوگ جب نکلتے ہیں تو اس کا اثر ہی کچھ اور ہوتا ہے۔
یہ بھی پڑھیں: تحریک انصاف کا اجلاس: وزیر اعظم کے بیانات، شہباز شریف کو خون ریزی کا خدشہ
فواد چودھری نے اس سے پہلے ٹوئٹ میں لکھا تھا کہ بابراعظم کو جیت کے لیے جانا چاہیے، آسٹریلیا کا ڈیکلیریشن کا فیصلہ دلیرانہ ہے، ہماری بیٹنگ سوا سیر ہے، سیریز جیت کےلیے جاؤ۔
اسمبلی کے سیشن میں آج کچھ نہیں ہونا سب کچھ قذافی اسٹیڈیم لاہور میں ہو گا جہاں @babarazam258 کو جیت کیلئے جانا چاہئے آسٹریلیا کا ڈیکلیریشن کا فیصلہ دلیرانہ مگر ہماری بیٹنگ سوا سیر ہے، یہاں سے جیت کیلئے جاؤ –#PAKvsAUS
— Ch Fawad Hussain (@fawadchaudhry) March 25, 2022
فواد چوہدری نے عثمان مرزا کیس پر بھی ٹوئٹ کہ، جس میں ان کا کہنا تھا کہ عثمان مرزا کیس میں متاثرہ لڑکی اور نوجوان کے منحرف ہونے کے باوجود عمر قید کی سزا جدید ٹیکنالوجی کی بطور شہادت قبولیت کی انتہائ خوش آئند ہے۔
وہی معاشرے ترقی کا زینہ چڑھتےہیں جہاں انصاف ہو انشاللہ سیالکوٹ اور دیگر مقدموں میں بھی انصاف کے قریب ہیں۔
عثمان مرزا کیس میں متاثرہ لڑکی اور نوجوان کے منحرف ہونے کے باوجود عمر قید کی سزا جدید ٹیکنالوجی کی بطور شہادت قبولیت کی انتہائ خوش آئند ہے، وہی معاشرے ترقی کا زینہ چڑھتےہیں جہاں انصاف ہو انشاللہ سیالکوٹ اور دیگر مقدموں میں بھی انصاف کے قریب ہیں
— Ch Fawad Hussain (@fawadchaudhry) March 25, 2022
