واشنگٹن: امریکی سینیٹ سے منظوری کے بعد جینا ہیسپل سی آئی اے کی پہلی خاتون ڈائریکٹر بن گئیں۔
امریکی سینیٹ نے جینا ہیسپل کی بطور سی آئی اے ڈائریکٹر نامزدگی کی توثیق کر دی۔ سینیٹ میں ہونے والی ووٹنگ میں ان کی حمایت میں 54 اور مخالفت میں 45 ووٹ پڑے۔
امریکی خفیہ ادارے کی پہلی خاتون سربراہ بننے والی جینا ہیسپل کو فروری 2017 میں صدر ڈونلڈ ٹرمپ نے سینٹرل انٹیلی جنس ایجنسی (سی آئی اے) کی ڈپٹی ڈائریکٹر مقرر کیا تھا۔
امریکی صدر ڈونلڈ ٹرمپ نے بھی سماجی رابطوں کی ویب سائٹ ٹوئٹر پر ایک پیغام کے زریعے جینا ہیسپل کو مبارکباد پیش کی۔
Congratulations to our new CIA Director, Gina Haspel! pic.twitter.com/n1xj9LSV9D
— Donald J. Trump (@realDonaldTrump) May 17, 2018
امریکی نائب صدر مائیک پینس نے جینا ہیسپل کی بطور ڈائریکٹر تعیناتی پر مبارکباد پیش کرتے ہوئے انہیں محب وطن قرار دیا۔
Congrats to Gina Haspel on being confirmed by the US Senate today by a 54- 45 vote. Gina Haspel is an American patriot. @POTUS and I know she will do a great job leading the dedicated men and women of the @CIA. Congratulations, Gina!
— Vice President Mike Pence (@VP) May 17, 2018
جینا ہیسپل نے 33 سال کی عمر میں سی آئی اے میں شمولیت اختیار کی تھی جس کے بعد سے وہ مختلف حیثیتوں میں خدمات سرانجام دیتی رہی ہیں۔
ڈونلڈ ٹرمپ کی جانب سے ڈائریکٹر کے عہدے کے لیے نامزد کی گئیں جینا ہیسپل کو نائن الیون کے بعد مشتبہ دہشت گردوں سے ظالمانہ تفتیش کرنے پر تنقید کا سامنا تھا۔
