امریکا نے افغان حکومت کی مدد جاری رکھنے کا اعلان کر دیا۔
غیر ملکی خبر رساں ادارے کی رپورٹ کے مطابق ترجمان محکمہ خارجہ نے کہا ہے کہ نئی افغان حکومت کے ساتھ تعلقات کا جائزہ لے رہے ہیں۔
انہوں نے کہا کہ افغان بینک کے منجمد دس ارب ڈالر کا معاملہ فیڈرل ریزرو دیکھ رہا ہے، افغان صورت حال پر پاکستان کے کردار کو سراہتے ہیں۔
دوسری جانب افغانستان کی نئی حکومت کی تقریب حلف برداری ملتوی کردی گئی ہے۔
افغان جنگ کو ٹالا جاسکتا تھا، امریکہ مشورہ مانتا تو ہزیمت سے بچ جاتا: جنرل (ر) احسان
روس کی خبر رساں ایجنسی تاس کےمطابق طالبان کی اعلان کردہ نئی حکومت کی تقریب حلف برداری ملتوی کردی گئی ہے تاہم ابھی تک اس کی وجہ نہیں بتائی گئی ہے۔
گزشتہ دنوں یہ خبر آئی تھی کہ افغانستان کی نئی حکومت کی اعلان کردہ وفاقی کابینہ 11 ستمبر کو حلف اٹھائے گی۔
طالبان نے افغانستان کی عبوری حکومت کا اعلان کیا تھا جس کے مطابق ملا محمد حسن اخوند افغانستان کے عبوری وزیراعظم ہوں گے جب کہ ملا عبدالغنی برادر اور مولوی عبدالسلام حنفی نائب وزرائے اعظم ہوں گے۔
افغانستان: روس نے تقریب حلف برداری میں شرکت نہ کرنے کا اعلان کردیا
طالبان کی جانب سے وزرا اور اداروں کے سربراہان کی فہرست بھی جاری کی گئی تھی۔
روسی ذرائع ابلاغ نے کچھ دیر قبل بتایا تھا کہ روس کی جانب سے نئی کابینہ کی تقریب حلف برداری میں شرکت نہ کرنے کا اعلان کیا گیا ہے حالانکہ چند روز قبل روس نے شرکت پر مشروط آمادگی بھی ظاہر کی تھی۔
دلچسپ امر ہ کہ طالبان کے ثقافتی کمیشن کے رکن انعام اللہ سمنگانی نے ٹوئٹر پر جاری کردہ بیان میں 11 ستمبر کو تقریب حلف برداری کی خبر کو افواہ قرار دیا ہے۔
افغانستان: اہم ترین بگرام ایئر بیس چین کے حوالے کردیا جائے گا؟
انعام اللہ سمنگائی کا کہنا تھا کہ کابینہ نے اپنا کام شروع کردیا ہے اور 11 ستمبر کو تقریب حلف برداری کی خبریں درست نہیں۔
