وزیر اعظم عمران خان نے کہا ہے کہ این اے 249 کے ضمنی انتخابات کے نتائج پر تمام جماعتیں دھاندلی ہونے کا دعویٰ کر رہی ہیں۔ یہی سب سینیٹ اور ڈسکہ انتخابات میں بھی ہوا۔
سماجی رابطے کی ویب سائٹ ٹوئٹر پر شیئر کیے گئے پیغام میں ان کا کہنا تھا کہ این اے 249کے ضمنی انتخاب میں ٹرن آوَٹ کم تھا۔
In NA 249 bye election, despite a low turnout, all parties are crying foul & claiming rigging. Same happened in Daska recently & in Senate elections. In fact, apart from 1970 election, in every election claims of rigging have raised doubts over credibility of election results.
— Imran Khan (@ImranKhanPTI) May 1, 2021
عمران خان نے تحریر کیا کہ ہماری حکومت انتخابی اصلاحات کے لیے پُرعزم ہے،انتخابی نظام میں جدید ٹیکنالوجی کے استعمال سے شفافیت آئے گی، شفافیت سے انتخابی نظام اور جمہوریت مضبوط ہوگی۔
یہ بھی پڑھیں: وزیراعظم عمران خان سے جہانگیر ترین ہم خیال گروپ کی ملاقات کی اندرونی کہانی
انہوں نے کہا کہ سابق امریکی صدر ٹرمپ کی ٹیم نے 2020 کے انتخابی نتائج پر واویلا مچایا، امریکی انتخابی نظام میں ٹیکنالوجی کے استعمال کی بدولت کہیں بھی بے ضابطگی ثابت نہیں ہوئی۔
Our govt is determined & we will put in place reforms in our electoral system through the use of technology to bring transparency & credibility to our elections & strengthen our democracy.
— Imran Khan (@ImranKhanPTI) May 1, 2021
وزیر اعظم عمران خان نے تحریر کیا کہ گزشتہ سال سے اپوزیشن سے انتخابی اصلاحات پر تعاون مانگ رہے ہیں، بد قسمتی سے کوئی ٹھوس انتخابی اصلاحات نہیں کی گئیں۔
عمران خان کا کہنا تھا کہ اپوزیشن کو دعوت دیتا ہوں کہ انتخابی اصلاحات پر ہمارے ساتھ بیٹھیں، اپوزیشن دستیاب الیکٹرانک ووٹنگ مشینوں کے ماڈل کا انتخاب کرے۔
