انٹرنیشنل کرکٹ کونسل (آئی سی سی) کے آفیشل ٹوئٹر اکاؤنٹ سے حسن علی پر طنز کیا گیا جس پر پاکستانی شائقین نے شدید برہمی کا اظہار کیا ہے۔
آئی سی سی کے ٹوئٹر اکاؤنٹ پر کراچی ٹیسٹ کی پہلی اننگز میں حسن علی کے بولڈ ہونے کی تصویر شیئر کی گئی اور تصویر کے ساتھ طنزیہ کیپشن بھی دیا گیا۔
Your profile picture vs the full picture ?#PAKvSA pic.twitter.com/jMw1niI0co
— ICC (@ICC) January 28, 2021
بین الاقوامی کرکٹ کونسلی کی جانب سے حسن علی کی دو تصاویر شیئر کی گئیں۔ ایک میں ایسا لگ رہا ہے جیسے وہ فل ٹاس شاٹ لگا رہے ہیں جبکہ دوسری تصویر کے مطابق حقیقتاً وہ بولڈ ہو رہے ہیں۔ تصاویر کے ساتھ تحریر کیا گیا کہ پروفائل تصویر بمقابلہ حقیقت۔
یہ بھی پڑھیں: شعیب اختر نے آئی سی سی کی ’ٹیمز آف ڈیکیڈ‘ کو آئی پی ایل ٹیم قرار دے دیا
یہ تصاویر اور کیپشن شیئر کرنے پر صارفین نے آئی سی سی کو آڑے ہاتھوں لیتے ہوئے پوسٹ کو غیرسنجیدہ اور نامناسب قرار دیا ہے۔ صارفین نے آئی سی سی سے تصویر ہٹانے کا مطالبہ بھی کیا۔
Can @ICC go this low ? https://t.co/v05DE7K4f2
— Inshan Haniffa (@HaniffaInshan) January 29, 2021
انشان نامی صارف کا کہنا تھا کہ مجھے امید نہیں تھی کہ آئی سی سی اس حد تک گر سکتا ہے۔
Cheap sense of humour.. https://t.co/NEyAUMo8jz
— AKSM (@Shah_Kazmi110) January 28, 2021
ایک اور صارف نے تحریر کیا کہ ’اخلاق سے گری ہوئی حسِ مزاح‘۔
This is absolutely unprofessional by ICC. https://t.co/Z2EIUHNJhT
— Bingo (@OIAmNoBodyO) January 28, 2021
بنگو نامی ٹوئٹر یوزر نے آئی سی سی کی ٹویٹ کے جواب میں لکھا کہ ’آئی سی سی کی جانب سے انتہائی غیرپیشہ ورانہ رویے کا مظاہرہ کیا گیا‘۔