راولپنڈی: قومی کرکٹ ٹیم کے سابق کپتان وسیم اکرم نے عثمان قادر کو ’ پرچی‘ کہنے والوں پر برہمی کا اظہار کرتے ہوئے کہا ہے کہ یہ محلے کی کرکٹ نہیں ہے، یہاں پر اگر کوئی اچھا کھیلتا ہے وہی ٹیم میں آتا ہے۔
پاکستان اور زمبابوے کے مابین دوسرے ٹی ٹوئنٹی میچ کے بعد گفتگو کرتے ہوئے انہوں نے کہا کہ عثمان قادر کی آج کے میچ میں کارکردگی سب کے سامنے ہے، ان کے پاس لیگ بریک، گگلی اور فلیپر تینوں ہتھیار موجود ہیں اور اس پر انہیں کنٹرول بھی ہے۔
ان کا کہنا تھا کہ لوگ عثمان قادر کا شاداب خان کے ساتھ موازانہ کر رہے ہیں۔ شاداب بالکل الگ طرح کے کھلاڑی ہیں وہ ایک آل راؤنڈر ہیں جب کہ عثمان ایک مکمل لیگ بریک باؤلر ہیں۔
‘Parchi’ tag on @Qadircricketer angers maestro @wasimakramlive #PAKvZIM #HarHaalMainCricket pic.twitter.com/jPkNcJgkwp
— Pakistan Cricket (@TheRealPCB) November 8, 2020
خیال رہے کہ سابق لیگ اسپنر عبدالقادر کے صاحبزادے عثمان قادر نے زمبابوے کے خلاف پہلے ٹی ٹوئنٹی میچ میں ڈیبیو کیا تھا اور پہلے میچ میں ایک وکٹ حاصل کی تھی۔
عثمان قادر نے دوسرے ٹی ٹوئنٹی میچ میں عمدہ گیند بازی کرتے ہوئے تین کھلاڑیوں کو آؤٹ کیا۔