لندن: پاکستان نژاد برطانوی باکسر عامر خان کے ہاں دوسری بیٹی کی ولادت ہوئی ہے جس کا نام علینا خان رکھا گیا ہے۔
عالمی شہرت یافتہ باکسر نے اپنے ٹوئٹر اور انسٹاگرام اکاؤنٹ پر اپنی دوسری بیٹی کی تصویر مداحوں کے ساتھ شئیر کرتے ہوئے لکھا کہ دنیا میں خوش آمدید۔
Welcome to the world. With my and @faryalmakhdoom new born, Weighing 8lbs 3oz ALAYNA KHAN. ? pic.twitter.com/CZ4a67yCz8
— Amir Khan (@amirkingkhan) April 24, 2018
عامر خان اور ان کی اہلیہ فریال مخدوم 2013 میں رشتہ ازدواج میں منسلک ہوئے تھے۔ 2014 میں ان کے ہاں پہلی بیٹی کی پیدائش ہوئی تھی جس کا نام لمائسا خان رکھا گیا تھا۔
گزشتہ دو سالوں سے عامر خان اوران کی اہلیہ فریال مخدوم کے درمیان تنازعات اُس وقت میڈیا کی خبروں کی زینت بنے جب فریال مخدوم جھگڑے کو سوشل میڈیا پر لے آگئیں۔
عامر خان نے گزشتہ سال نومبر میں اپنے ٹویٹر اکاؤنٹ پر ایک تصویر شئیر کرتے ہوِئے فریال مخدوم سے تمام جھگڑے ختم کرنے کا اعلان کیا تھا۔
دو روز قبل عامر خان نے کینیڈا میں ہونے والے مقابلے میں اپنے حریف کو 40 سیکنڈ میں ناک آؤٹ کرکے رنگ میں واپسی کو یادگار بنا دیا تھا۔
