لاہور: پنجاب میں کورونا وائرس کے مزید 64 کیسز سامنے آئے ہیں۔ اس بات کی تصدیق وزیراعلیٰ پنجاب نے کی ہے۔
کوروناوائرس: پاکستان میں96 افراد جاں بحق، 5837 متاثر
ہم نیوز کے مطابق وزیراعلیٰ پنجاب عثمان بزدار نے سماجی رابطوں کی ویب سائٹ ’ ٹوئٹر‘ پر جاری کردہ اپنے پیغام میں 64 نئے کیسز کے سامنے آنے کی تصدیق کرتے ہوئے بتایا ہے کہ صوبے میں اب کورونا متاثرین کی تعداد 2945 ہو گئی ہے۔
وزیراعلیٰ کے مطابق صوبہ پنجاب میں اب تک کورونا وائرس سے متاثرہ 28 افراد دار فانی سے کوچ کرچکے ہیں۔
Punjab’s #COVID19 stats as on 14th April:
Total confirmed cases: 2,945
Non-Quarantined cases: 1,100
DGK & Multan Quarantine:701
Jail prisoners: 89
Members of Tableeghi Jama’ats: 1,055
Deaths: 28
Critical Patients: 9
Recoveries: 508
Tests Conducted: 43,565#PunjabCoronavirusUpdate— Usman Buzdar (@UsmanAKBuzdar) April 14, 2020
ہم نیوز کے مطابق صوبہ پنجاب میں اب تک کورونا متاثرین میں سے 508 ایسے افراد ہیں جنہوں نے اپنے یقین، مضبوط قوت ارادی اور طاقتور مدافعتی نظام کی بدولت اس مہلک وبا کو شکست فاش دے کرفتح اپنے نام کی ہے۔
دنیا میں کورونا کیسز کی تعداد 19 لاکھ سے تجاوز کر گئی
وزیراعلیٰ پنجاب عثمان بزدار کے مطابق ڈی جی خان اور ملتان کے قرنطینہ مراکز میں اس وقت 701 مریض موجود ہیں جو زیرعلاج ہیں۔
سماجی رابطے کی ویب سائٹ پر جاری کردہ اپنے پیغام میں وزیراعلیٰ نے کہا ہے کہ تبلیغی جماعت سے تعلق رکھنے والے 1055 افراد کورونا وائرس سے متاثر ہیں۔
ملتان: نشتر اسپتال کے25ڈاکٹرز کورونا سے متاثر
وزیراعلیٰ پنجاب عثمان بزدار کے مطابق 1100 عام شہری بھی کورونا وائرس سے متاثر ہوئے ہیں۔