لاہور: پاکستان سپر لیگ ( پی ایس ایل تھری) کے ایلیمینیٹر مرحلے میں پشاور زلمی نے کوئٹہ گلیڈی ایٹرز کو ایک رن سے شکست دے کر ایونٹ سے باہر کر دیا۔
لاہور کے قذافی اسٹیڈیم میں کھیلے گئے میچ میں زلمی کے 158 رنزکے ہدف کے تعاقب میں گلیڈی ایٹرز کی ٹیم سنسنی خیز مقابلے کے بعد 20 اوورز میں 156 رنز بنا سکی۔
ہدف کے تعاقب میں گلیڈی ایٹرز کےاوپنر بلے باز اسد شفیق اور کوہلر کیڈ مور میدان میں آئے تو خاطر خواہ کارکردگی کا مظاہرہ نہ کر سکے۔
اسد شفیق بغیر کوئی رن اسکور کیے حسن علی کی گیند کا شکار ہو گئے۔ ان کی دیکھا دیکھی کیڈ مور بھی پانچ رنز بنا کر حسن علی کا دوسرا شکار بنے۔
محمد نواز اور سرفراز احمد نے میدان سنبھالا تو تیسری وکٹ کی شراکت میں 67 رنز بنائے۔
ثمین گل نے کوئٹہ گلیڈی ایٹرز کو دسویں اوور کی چوتھی اور پانچویں گیند پر بڑا جھٹکا دیا۔
Just when Nawaz and Sarfraz looked in complete control, Sameen Gul accounts for both Nawaz and Sarfraz in one game changing over!
QG need 66 off 50 balls, Six wickets in hand. #YellowStorm #PZvQG #HBLPSL2018 pic.twitter.com/6MyAf99Hxb— PakistanSuperLeague (@thePSLt20) March 20, 2018
کپتان سرفراز احمد نے محمد نواز کےساتھ مل کر جارحانہ بیٹنگ کرتے ہوئے کھیل کو آگے بڑھایا۔ 80 کے مجموعی اسکور پر محمد نواز 35 رنز بنا کر آؤٹ ہوگئے۔ انہیں ثمین گل کی گیند پر عمید آصف نے پویلین کی راہ دکھائی۔
محمد نواز آؤٹ ہوئے تو کپتان سرفراز مجموعی اسکور میں ایک رن کا بھی اضافہ کیے بغیر پویلین لوٹ گئے۔
انہیں ثمین گل نے 35 ہی کے انفرادی اسکور پر آؤٹ کیا۔
پانچویں وکٹ محمود اللہ کی گری۔ محمود اللہ نے مزاحمت کرتے ہوئے 20 گیندوں پر 19 رنز بنائے۔ 15ویں اوور کی دوسری گیند پر عمید آصف نے ان کی بیلز ہوا میں اڑا دیں۔
دیگر کھلاڑی بھی بڑی اننگ کھیلنے میں کامیاب نہ ہو سکے۔ ریلے روسو آٹھ رنز بنا کر آؤٹ ہوئے۔
تھیسارا پریرا 132 کے مجموعی اسکور پر 19 رنز بنا کر آؤٹ ہو گئے۔
گلیڈی ایٹرز کی آٹھویں وکٹ 19ویں اوور کی پانچویں گیند پر گری۔ حسن خان 133 کے ٹوٹل اسکور پر بغیر کوئی رن بنائے وہاب ریاض کا شکار بن گئے۔
آخری اوور میں انور علی اور میر حمزہ نے میدان سنبھالا تو گلیڈی ایٹرز کو جیت کے لیے چھ گیندوں پر 25 رنز درکار تھے۔
لیام ڈاؤسن اپنا چوتھا اوور کرانے پہنچے تو انور علی نے ایک کے بعد ایک بڑی شارٹس کھیل کر زلمی کے چھکے چھڑا دیے۔
انور علی نے آخری اوور کی پانچ گیندوں پر تین چھکے اور ایک چوکا لگا کر کھیل کا پانسہ پلٹ دیا۔
ٹیم کو جیت کے لیے آخری گیند پر تین رنز درکار تھے۔ انور علی نے آخری گیند پر بھی بڑی شارٹ کھیلنے کی کوشش کی لیکن کامیاب نہ ہو سکے۔
میر حمزہ دوسرا رن لے کے اسکور برابر کرنے کی کوشش میں رن آؤٹ ہو گئے۔
زلمی کی اننگ
پشاور زلمی کی ٹیم پہلے کھیلتے ہوئے اہم مرحلے میں متاثر کن ہدف دینے میں کامیاب نہ ہو سکی۔
لاہور کے قذافی اسٹیڈیم میں گلیڈی ایٹرز کی دعوت پر زلمی ٹیم پہلے کھیلتے ہوئے 20 اوورز میں 157 رنز بنا سکی۔
زلمی اوپنرز کامران اکمل اور تمیم اقبال کھیل کا آغاز کرنے میدان میں آئے۔ پہلے اوور میں نو رنز کے مجموعی اسکور پر بارش کے باعث میچ روک دیا گیا۔
کچھ دیر بعد میچ کا آغاز کیا گیا تو اوپنر کامران اکمل ٹوٹل اسکور میں حصہ ڈالے بغیر پویلین لوٹ گئے۔ کامران اکمل کی بیلز راحت علی نے اڑائی۔
Massive, Massive wicket for @TeamQuetta
Kamran Akmal the architect of the Zalmi resurgence is cleaned up by Rahat Ali#PurpleForce at Lahore!#DilSeJaanLagaDe pic.twitter.com/yygwI5ko8l— PakistanSuperLeague (@thePSLt20) March 20, 2018
زلمی کی دوسری وکٹ دس کے مجموعی اسکور پر گری۔ تیسرے نمبر پر کھیلنے میدان میں آئے آندرے فلیچر ایک رن بنا کر میر حمزہ کی گیند پر تھیسارا پریرا کے ہاتھوں کیچ آؤٹ ہو گئے۔
OUT! 2.2 Mir Hamza to Andre Fletcher
Watch ball by ball highlights at https://t.co/52ZlOAymMX#PZvQG #HBLPSL #PSL2018 @_cricingif pic.twitter.com/hy8MxLN9av— PakistanSuperLeague (@thePSLt20) March 20, 2018
محمد حفیظ میدان میں آئے تو اوپنر تمیم اقبال کے ساتھ مل کر ذمہ دارانہ بیٹنگ کرتے ہوئے اسکور میں اضافہ کرنے کی کوشش کی۔ دونوں بلے بازوں نے 44 رنز کی شراکت داری قائم کی۔
تیسری وکٹ 54 کے ٹوٹل اسکور پر محمد حفیظ کی گری۔ انہوں نے 14 گیندوں کا سامنا کرتے ہوئے 25 رنز بٹورے۔ حفیظ، محمود اللہ کی گیند پر اسٹمپ آوٹ ہوئے۔
OUT! 7.3 Mahmudullah to Mohammad Hafeez
Watch ball by ball highlights at https://t.co/52ZlOAymMX#PZvQG #HBLPSL #PSL2018 @_cricingif pic.twitter.com/uul65Aup2m— PakistanSuperLeague (@thePSLt20) March 20, 2018
حفیظ کے آؤٹ ہونے کے بعد تمیم اقبال بھی کریز پر زیادہ دیر ٹک نہ پائے اور 58 کے ٹوٹل پر 27 رنز سمیٹ کر آؤٹ ہو گئے۔ انہیں محمد نواز کی گیند پر کیڈ مور نے کیچ کیا۔
OUT! 8.4 Mohammad Nawaz to Tamim Iqbal
Watch ball by ball highlights at https://t.co/52ZlOAymMX#PZvQG #HBLPSL #PSL2018 @_cricingif pic.twitter.com/U3LCrEcOLM— PakistanSuperLeague (@thePSLt20) March 20, 2018
سعد نسیم آؤٹ ہوئے تو ٹیم کا مجموعی اسکور 86 تھا۔ آل راؤنڈر بلے باز صرف نو رنز بنا کر حسن خان کی گیند کا شکار بن گئے۔
زلمی کی امیدوں کا مرکز ڈیرن سیمی میدان میں آئے تو توقع تھی کہ دفاعی چیمپئنز اسکور کو اچھے ٹوٹل کی جانب لے جانے میں کامیاب ہو جائیں گے۔
کپتان بلے باز پانچ گیندوں کا سامنا کرتے ہوئے دو رنز بنا کر آؤٹ ہوگئے۔ سیمی کوئی بھی بڑا شاٹ نہ کھیل سکے۔
OUT! 17.3 Rahat Ali to Darren Sammy
Watch ball by ball highlights at https://t.co/52ZlOAymMX#PZvQG #HBLPSL #PSL2018 @_cricingif pic.twitter.com/svTseODxmd— PakistanSuperLeague (@thePSLt20) March 20, 2018
لیام ڈاؤسن نے ذمہ داری کا مظاہرہ کرتے ہوئے ٹیم کے مجموعی اسکور میں بڑا حصہ ڈالا۔ ڈاؤسن 35 گیندوں کا سامنا کرتے ہوئے 62 رنز بنا کر وکٹ کیپر کو کیچ تھما بیٹھے۔
6 Fours
4 Sixes
62 off 35 balls
The Devastating Dawson! ???#HBLPSL #DilSeJaanLagaDe #PZvQG pic.twitter.com/zqIpH4Lquu— PakistanSuperLeague (@thePSLt20) March 20, 2018
کوئٹہ کی جانب سے راحت علی نے چار کھلاڑیوں کو میدان سے باہر کی راہ دکھائی۔
اگلا میچ
پشاور زلمی کا اگلا میچ کراچی کنگز کے ساتھ 21 مارچ کو قذافی اسٹیڈیم میں ہی کھیلا جائے گا۔ کل کے میچ میں فائنل کھیلنے والی دوسری ٹیم کا فیصلہ ہوگا۔
اسلام آباد یونائیٹڈ پہلے ہی فائنل کے لیے کوالیفائی کر چکی ہے۔
