دبئی: پاکستان سپر لیگ ( پی ایس ایل تھری) کے 21ویں میچ میں اسلام آباد یونائیٹڈ نے پشاور زلمی کو جیت کے لیے 183 رنز کا ہدف دیا ہے۔ یہ ہدف پی ایس ایل تھری میں اسلام آباد یونائیٹڈ کا سب سے زیادہ ہدف ہے۔
میچ کے آغاز میں پشاور زلمی نے ٹاس جیت کر اسلام آباد یونائیٹڈ کو پہلے بیٹنگ کی دعوت دی۔
اننگ کا آغاز کرنے اسلام آباد کی ٹیم میدان میں آئی تو مطلوبہ 20 اوورز میں پانچ وکٹوں کے نقصان پر182 رنز بنائے۔
اسلام آباد یونائیٹڈ کی جانب سے جین پال ڈومینی 73 رنز بنا کر ناقابل شکست رہے۔ ڈومینی نے 54 گیندوں کا سامنا کرتے ہوئے چار چھکے اور پانچ چوکے اپنے نام کیے۔
دیگر کھلاڑیوں میں آصف علی 45، حسین طلعت 29 اورلیوک رونکی 27 رنز بنانے میں کامیاب ہوئے۔
OUT! 19.6 Umaid Asif to Jean-Paul Duminy (Faheem Ashraf run out)
Islamabad United have scored 182. Will Peshawar Zalmi chase it down?
Watch ball by ball highlights at https://t.co/zr4lRaWRAW#PZvIU #HBLPSL #PSL2018 @_cricingif pic.twitter.com/YamRXguM1i— PakistanSuperLeague (@thePSLt20) March 9, 2018
پشاور کی جانب سے وہاب ریاض نے تین کھلاڑیوں کو پویلین کی راہ دکھائی۔ فاسٹ بالر نے چار اوورز میں 30 رنز دیے۔
پشاور زلمی میں ڈیرن سیمی کی واپسی ہوئی ہے جب کہ یونائیٹڈ بلے باز فرحان صاحبزادہ کی جگہ ظفر گوہر کو ٹیم میں شامل کیا گیا ہے۔ زلمی کپتان ڈیرن سیمی انجری کے باعث گزشتہ دو میچوں میں شرکت نہیں کر سکے تھے۔
پشاور زلمی کو کپتان ڈیرن سیمی کی غیر موجودگی میں کھیلے گئے دونوں میچوں میں شکست کا سامنا کرنا پڑا تھا۔
پوائنٹس ٹیبل پر اسلام آباد یونائیٹڈ 8 پوائنٹس کے ساتھ تیسرے نمبر پر موجود ہے جبکہ پشاور زلمی 6 پوائنٹس کے ساتھ پانچویں پوزیشن پر ہے۔
