اسلام آباد: وزیراعظم عمران خان کی معاون خصوصی برائے اطلاعات و نشریات ڈاکٹر فردوس عاشق اعوان نے پاکستان پیپلزپارٹی کے مرکزی رہنما اور سابق وفاقی وزیر برائے اطلاعات و نشریات قمرالزماں کائرہ کو مخاطب کرتے ہوئے کہا ہے کہ ’’کائرہ صاحب! جیل میں بھیجنا اور جیل سے نکالنا حکومت کا نہیں عدالتوں کا کام ہے‘‘۔
فردوس عاشق اعوان کو عدالتی اظہار وجوہ نوٹس جاری
کائرہ صاحب! جیل میں بھیجنا اور جیل سے نکالناحکومت کا نہیں عدالتوں کا کام ہے، قانون اور آئین کے مطابق عدالتوں سے رجوع کریں،حکومت اپنے موقف سے عدالت کو آگاہ کرے گی۔ کسی کے علاجِ معالجے کیلئے تمام ممکنہ سہولتیں فراہم کریں گے۔
— Firdous Ashiq Awan (@Dr_FirdousPTI) October 30, 2019
ہم نیوز کے مطابق وزیراعظم کی معاون خصوصی نے سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں مشورہ دیا ہے کہ قانون اور آئین کے مطابق عدالتوں سے رجوع کریں۔ ان کا کہنا ہے کہ حکومت اپنے مؤقف سے عدالت کو آگاہ کرے گی۔
آصف زرداری کے لیے پرائیوٹ میڈیکل بورڈ تشکیل دینے کا مطالبہ
نئے پاکستان میں ادارے آزاد اور شفاف ہیں، قانون کی حکمرانی اور آئین کی بالادستی قائم ہے۔کسی کو بھی قیدو بند کی صعوبتیں بغیر وجہ کے نہیں جھیلنا پڑتی۔زرداری صاحب کو بارہ برس تک جیل میں رکھنے والے آج ایک ہی گھاٹ سے پانی پی رہے ہیں
— Firdous Ashiq Awan (@Dr_FirdousPTI) October 30, 2019
ڈاکٹر فردوس عاشق اعوان نے کہا ہے کہ کسی کے علاجِ معالجے کے لیے تمام ممکنہ سہولتیں فراہم کریں گے۔ انہوں نے دعویٰ کیا ہے کہ نئے پاکستان میں ادارے آزاد و شفاف ہیں۔ ان کا کہنا ہے کہ قانون کی حکمرانی اور آئین کی بالادستی قائم ہے۔
ہم کمزور کو کمزور کر کے نہیں لڑنا چاہتے، فردوس عاشق اعوان
ڈاکٹر فردوس عاشق اعوان نے کہا ہے کہ کسی کو بھی قید و بند کی صعوبتیں بغیر وجہ کے نہیں جھیلنا پڑتی ہیں۔
وزیراعظم کی معاون خصوصی برائے اطلاعات و نشریات نے اپنے پیغام میں کہا ہے کہ زرداری صاحب کو بارہ برس تک جیل میں رکھنے والے آج ایک ہی گھاٹ سے پانی پی رہے ہیں۔