سیالکوٹ: بھارتی فوج کی لائن آف کنٹرول پر بلااشتعال فائرنگ سے آٹھ سالہ بچہ شہید ہوگیا۔ پاک فوج کی جوابی کارروائی میں انڈین پوسٹ تباہ کر دی گئی۔
ہم نیوز کے مطابق انڈین فائرنگ میں ایل او سی پر واقع جاجوٹ گاؤں کا آٹھ سالہ ایان شہید ہوا۔
پاکستان فوج کے شعبہ تعلقات عامہ (آئی ایس پی آر) نے بھی واقعہ کی تصدیق کی ہے۔
آئی ایس پی آر کی جانب سے جاری بیان میں کہا گیا ہے کہ بھارت مقبوضہ کشمیر میں پیلٹ گنزاورآزاد کشمیرمیں معصوم شہریوں کو بمباری کا نشانہ بنا رہا ہے۔ آزاد اور مقبوضہ کشمیر میں ظلم و ستم سے بھارت کا اصل چہرہ سامنے آگیا ہے۔
Indian brutality takes life of an eight year old boy Ayan of Jajot village along LOC. Use of Pellet guns in Indian Occupied Kashmir (IOK) and blatant targeting of innocent unarmed civilians across LOC exposes true Indian face.#IndianTerrorism pic.twitter.com/7tRpyY5TKx
— Maj Gen Asif Ghafoor (@OfficialDGISPR) February 19, 2018
بھارت کی جانب سے مسلسل فائر بندی معاہدے کی خلاف ورزی کی جارہی ہے۔ عالمی قوانین کو پس پشت ڈال کر شہری آبادی کوبربریت کا نشانہ بنایا جارہا ہے۔
آئی ایس پی آر کا کہنا ہے کہ انڈین فوج کی فائرنگ کا بھرپور جواب دیا گیا جس میں بھارتی فوجی پوسٹ تباہ ہوئی۔ واقعے میں دو ہندوستانی فوجی بھی مارے گئے۔
چند روز قبل بھی قابض بھارتی فوج کی فائرنگ سے ایک شہری جاں بحق ہوا تھا۔ 15 فروری کو انڈین فوج نے آزاد کشمیر میں ایک اسکول وین پر فائرنگ کی تھی جس کے نتیجے میں وین کا ڈرائیور شہید ہوگیا تھا۔