اسلام آباد: وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہاہے کہ جب وزیراعظم عمران خان نے سیکرٹ بیلٹنگ یعنی خفیہ ووٹ کی بجائے شو آف ہینڈ کے ذریعے سینیٹ انتخاب کی تجویز دی تھی تو دونوں بڑی سیاسی جماعتوں نے اسے رد کر دیا تھا۔
سماجی رابطے کی ویب سائٹ ٹوئٹر پر جاری اپنے بیان میں ڈاکٹر فردوس عاشق اعوان نے کہا کہ پاکستان تحریک انصاف واحد سیاسی جماعت ہے جس نے وفاداریاں بدلنے پر اپنی جماعت کے صوبائی ممبران کے خلاف کارروائی کی۔اب بھی اس ضمن میں مثبت اقدام اور ترمیم کی حمایت کریں گے۔
جب وزیراعظم عمران خان نے سیکرٹ بیلٹنگ کی بجائے شو آف ہینڈ کے ذریعے سینیٹ انتخاب کی تجویز دی تھی تو دونوں بڑی سیاسی جماعتوں نے اسے رد کر دیا تھا۔
— Firdous Ashiq Awan (@Dr_FirdousPTI) August 2, 2019
ڈاکٹر فردوس عاشق اعوان نے پاکستان مسلم لیگ ن کے سینیئر نائب صدر کو مخاطب کرتے ہوئے کہا ’’احسن اقبال صاحب! تحقیقاتی کمیٹی ضرور بنائیں لیکن تحقیقات کا دائرہ چھانگا مانگا کے جنگلات اور مری کی پر فضا مقام پر قائم ریسٹ ہاؤسز تک وسیع کریں۔‘‘
احسن اقبال صاحب! تحقیقاتی کمیٹی ضرور بنائیں۔لیکن تحقیقات کا دائرہ چھانگا مانگا کے جنگلات اور مری کی پر فضا مقام پر قائم ریسٹ ہاؤسز تک وسیع کریں۔ملکی سیاست میں اخلاقیات کا گلا گھونٹنے والے آج کس منہ سے گلے پھاڑ کر اخلاقی سیاست کا درس دیتے ہیں؟
— Firdous Ashiq Awan (@Dr_FirdousPTI) August 2, 2019
وزیراعظم کی معاون خصوصی برائے اطلاعات ونشریات نے ڈاکٹر فردوس عاشق اعوان نے سوال اٹھایا کہ ملکی سیاست میں اخلاقیات کا گلا گھونٹنے والے آج کس منہ سے گلے پھاڑ کر اخلاقی سیاست کا درس دیتے ہیں؟
2018 کے انتخابات میں عوام سے مسترد ہونے کے بعد کل آپ کو سینیٹ میں شکست فاش کا سامنا کرنا پڑا۔ان دو جماعتوں نے کرپشن سے ناطہ نہ توڑا تو چند اضلاع تک محدود ہو جائیں گی۔کرپٹ قیادت کا دفاع کرنے والوں کا کوئی مستقبل نہیں۔
— Firdous Ashiq Awan (@Dr_FirdousPTI) August 2, 2019
انہوں نے کہا کہ 2018 کے انتخابات میں عوام سے مسترد ہونے کے بعد کل آپ کو سینیٹ میں شکست فاش کا سامنا کرنا پڑا۔ان دو جماعتوں نے کرپشن سے ناطہ نہ توڑا تو چند اضلاع تک محدود ہو جائیں گی۔ کرپٹ قیادت کا دفاع کرنے والوں کا کوئی مستقبل نہیں ہے۔