اسلام آباد: سائنس اور ٹیکنالوجی کے وفاقی وزیر فواد چودھری نے اعلان کیا ہے کہ 2022 میں پہلا پاکستانی خلا میں جائے گا۔
اپنے ٹویٹ میں ان کا کہنا تھا کہ پہلے پاکستانی خلاباز منتخب کرنے کا عمل 2020 میں شروع ہو گا، پہلے مرحلے میں 50 خلانوردوں کا چناؤ ہو گا۔
مجھے بہت خوشی ہے کہ پہلے پاکستانی خلاباز کیلئے سلیکشن پراسس اگلے سال 2020 سے شروع ہو رہا ہے، پہلے مرحلے میں50 خلانورد شارٹ لسٹ کریں گے ان میں سے25 فائنل مرحلے میں جائینگے اور 2022 میں ہم انشاللہٰ پہلا پاکستانی خلاࣿ میں جائیگا، یہ پاکستان کی سپیس پروگرام کیلئےتاریخ ساز اقدام ہو گا
— Ch Fawad Hussain (@fawadchaudhry) July 25, 2019
انہوں نے مزید کہا کہ ان 50 خلابازوں میں 25 آخری مرحلے میں جائیں گے۔
فواد چوہدری نے اس قدم کو پاکستان کے خلائی پروگرام کے لیے تاریخ ساز قدم قرار دیا۔
یاد رہے کہ گزشتہ برس اکتوبر میں بھی فواد چوہدری نے کہا تھا کہ پاکستان 2022 میں پہلا فرد خلا میں بھیجنے کی تیاری کر رہا ہے، اس وقت وہ وفاقی وزیراطلاعات و نشریات تھے۔
انہوں نے پاکستان کا خلائی پروگرام کو کامیابی سے ہمکنار کرنے کا عہد کیا تھا اور کہا تھا کہ اس حوالے سے چین کی مدد بھی مانگی جائے گی۔
اس سے قبل سپارکو اور چند چینی کمپنیوں نے ل کر دو مقامی طور پر تیارکردہ مصنوعی سیارے مدار میں بھیجے تھے۔
یہ مصنوعی سیارے صحرائے گوبی میں موجود چینی لانچ پیڈ سے بھیجا گیا تھا اور اس کے لیے چینی لانگ مارچ راکٹ استعمال کیے گئے تھے۔
