کراچی: پاکستان ہاکی فیڈریشن نے قومی کھیل کو بھی تباہ کر دیا۔ کھلاڑیوں نے ناقص انتظامات کے باعث رات سڑک پر گزاری تو ٹورنامنٹ کے دوران کھلاڑی میدان سے باہر پانی کی تلاش میں سرگرداں نظر آئے۔
کراچی کے عبدالستار ہاکی اسٹیڈیم میں قومی ہاکی چیمپیئن شپ آغاز سے ہی بد انتظامی کا شکار نظر آ رہی ہے اور قومی کھیل کو بھی مذاق بنا دیا گیا۔ مختلف شہروں سے آئے کھلاڑیوں نے عبدالستار ایدھی ہاکی اسٹیڈیم میں ناقص انتظامات پر انتظامیہ کو شدید تنقید کا نشانہ بنایا۔
شدید گرمی میں بھی اسٹیڈیم میں پینے کے لیے پانی کا انتظام نہیں کیا گیا اور ٹورنامنٹ کھیلنے آئے کھلاڑی اسٹیڈیم سے باہر پانی کی تلاش میں خوار ہوتے نظر آئے۔
Worst state of National Sports Hockey!!! Players are filling water cooler outside stadium meanwhile match. And you know this is Pakistan’s premier tournament National hockey Championship.@ImranKhanPTI #Hockey #Pakistan pic.twitter.com/iOc2alWzNZ
— Zeeshan Ahmed (@mrsportsjourno) July 23, 2019
دوسری جانب حد تو یہ ہو گئی کہ فاٹا کی ٹیم کے کھلاڑی کی انگلی ٹوٹی تو اسے اسپتال لے جانے کا بھی کوئی انتظام موجود نہیں تھا بلآخر کھلاڑی کو موٹرسائیکل پر ہی اسپتال لے جایا گیا۔
No First Aid! No Ambulance!! Player got injured during match and they are taking him on bike to hospital. pic.twitter.com/RRok53uFUp
— Zeeshan Ahmed (@mrsportsjourno) July 23, 2019
واضح رہے کہ قومی ہاکی چیمپیئن شپ کراچی کے عبدالستار ہاکی اسٹیڈیم میں جاری ہے جس میں ملک بھر سے 20 ٹیمیں شرکت کر رہی ہیں۔
